Aktualitet

Kërcënoi me armë zjarri një person dhe më pas u largua, arrestohet 42-vjeçari në Tepelenë

Ai ishte shpallur në kërkim nga policia, pasi ka qëlluar me armë zjarri në ajër për të kërcënuar një 48-vjeçar, banues në fshatin Peshtan.

9 Nëntor 2025, 13:58 Nga E.d
Kërcënoi me armë zjarri një person dhe më pas u largua,
Foto ilustruse


TEPELENË- Policia ka arrestuar një 42-vjeçar në Tepelenë. Ai ishte shpallur në kërkim nga policia, pasi ka qëlluar me armë zjarri në ajër për të kërcënuar një 48-vjeçar, banues në fshatin Peshtan. Ngjarja ka ndodhur pas një konflikti për motive të dobëta.

Gjatë kontrollit, policia ka gjetur dhe sekuestruar armën e zjarrit dhe një sasi municioni luftarak. Policia ka shoqëruar të arrestuarin drejt ambienteve të komisariatit, ndërsa po heton më shumë mbi rastin.

Njoftimi i policisë

Është vënë në pranga një 42-vjeçar në Tepelenë, i cili ishte shpallur në kërkim pasi kërcënoi me armë zjarri një persona dhe më pas u largua. Ky shtetas ishte shpallur në kërkim pasi më datën 02.11.2025, pas një konflikti për motive të dobëta, ka qëlluar me armë zjarri në ajër për të kanosur shtetasin V. M., 48 vjeç, banues në fshatin Peshtan. Gjatë operacionit, shërbimet e Policisë, gjatë kontrollit në një zonë të pyllëzuar të fshatit Peshtan, gjetën dhe sekuestruan armën e zjarrit me të cilën dyshohet se ky shtetas ka kanosur 48-vjeçarin, si dhe një sasi municioni luftarak, të cilat 42-vjeçari i kishte fshehur menjëherë pas ngjarjes.

Në vijim të operacionit, gjatë kontrollit të banesës së shtetasit V. M., shërbimet e Policisë gjetën dhe sekuestruan 1 armë gjahu dhe 1 gjerdan me fishekë gjuetie, të cilat i posedonte pa leje. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Dosja.al

42-vjeçari tepelenë armë zjarri

Sondazh

Poll

MË SHUMË