Bota

Paralizë fiskale e pazakontë në SHBA! Rrugët temjbushen me makina, PAMJE nga radha kilometrike në Kaliforni për ushqim falas

Mbyllja e qeverisë amerikane është tani më e gjata në historinë e SHBA-së, duke thyer rekordin e mëparshëm prej 35 ditësh të vendosur në vitin 2019, gjatë mandatit të parë të Donald Trump.

7 Nëntor 2025, 19:41 Nga M.L
Paralizë fiskale e pazakontë në SHBA! Rrugët temjbushen me
Foto nga vendngjarja

SHBA- Qindra makina janë rreshtuar për kilometra të tëra në Qytetin e Industrisë në Kaliforni, ndërsa banorët presin me orë të tëra për ushqim falas për shkak të mbylljes së qeverisë amerikane. Situata në SHBA po përkeqësohet vazhdimisht, ndërsa paraliza fiskale në vend hyri në ditën e 38-të, duke tejkaluar rekordin e mëparshëm të mbylljes më të gjatë në historinë e vendit, e cila ndodhi në vitin 2019.

Mbyllja e qeverisë amerikane është tani më e gjata në historinë e SHBA-së, duke thyer rekordin e mëparshëm prej 35 ditësh të vendosur në vitin 2019, gjatë mandatit të parë të Donald Trump.

Që nga 1 tetori, kur skadoi buxheti i mëparshëm, Kongresi nuk ka arritur të bjerë dakord për zgjidhjen e ngërçit, gjë që ka çuar në pushimin nga puna të qindra mijëra nëpunësve publikë, duke bllokuar pagesat e përfitimeve dhe duke destabilizuar industrinë e linjave ajrore.

Mosmarrëveshja midis demokratëve dhe republikanëve përqendrohet në çështjen e shpenzimeve për kujdesin shëndetësor. Demokratët po kërkojnë një marrëveshje për të zgjeruar subvencionet e sigurimeve, të cilat e bëjnë kujdesin shëndetësor të përballueshëm për miliona amerikanë.

Nga ana tjetër, republikanët dhe ish-presidenti Donald Trump këmbëngulin se ndihma ushqimore nuk do të ofrohet përmes programit SNAP, i cili u shërben miliona amerikanëve të varfër, përveç nëse demokratët bien dakord t'i japin fund mbylljes së qeverisë.

 

paralize fiskale ne shba mbyllja e qeverisë amerikane

Sondazh

Poll

MË SHUMË