Bota

Zbulohet në Vjenë një depo armësh e lidhur me Hamasin! Në pranga një 39-vjeçar britanik, dyshohet se është pjesë e një organizate terroriste

Ndërkohë, një britanik 39-vjeçar që dyshohet se është "i lidhur me arsenalin" u arrestua në Londër të hënën, raportoi Independent.

6 Nëntor 2025, 15:55 Nga M.L
Zbulohet në Vjenë një depo armësh e lidhur me Hamasin!
Foto ilustruese

AUSTRI- Autoritetet austriake kanë sekuestruar armë në Vjenë që besohet se janë të lidhura me Hamasin për t'u përdorur në "sulme të mundshme terroriste në Evropë", tha qeveria të enjten. Ndërkohë, një britanik 39-vjeçar që dyshohet se është "i lidhur me arsenalin" u arrestua në Londër të hënën, raportoi Independent.

“Sipas gjendjes aktuale të hetimit, objektivat e këtyre sulmeve kanë qenë me shumë gjasa institucione izraelite ose hebraike në Evropë”, shtoi deklarata. Arsenali dhe i dyshuari janë pjesë e një hetimi të koordinuar ndërkombëtarisht nga Drejtoria e Austrisë për Sigurinë e Brendshme dhe Inteligjencën (DSN), “mbi një organizatë terroriste globale me lidhje me Hamasin”.

Gjatë hetimit, shërbimi austriak i inteligjencës kishte “dyshuar se një grup kishte sjellë armë në Austri për t’u përdorur në sulme të mundshme terroriste në Evropë”. Armët, që besohet se u përkisnin kompanive të huaja të lidhura me Hamasin, u gjetën në një valixhe në një depo me qira në Vjenë dhe përmbanin pesë pistoleta dhe 10 karikatorë.

autoritetet austriake

Sondazh

Poll

MË SHUMË