Aktualitet

Favorizuan një ndërtim pa leje, Gjykata Shkodër cakton detyrim paraqitje për 3 punonjës të IMT e një polic

Mësohet se ata akuzohen se kanë lejuar ndërtimin pa leje të një objekti. Ndërkohë që për zbardhjen e ngjarjës së plotë po vijon puna nga grupi hetimor.  

4 Nëntor 2025, 10:49 Nga E. D

Favorizuan një ndërtim pa leje, Gjykata Shkodër cakton detyrim

SHKODËR- Gjykata e Shkodrës ka caktuar detyrim paraqitje për 3 punonjës të IMT-së në Vaun e Dejës dhe një efektiv policie. Mësohet se ata akuzohen se kanë lejuar ndërtimin pa leje të një objekti. Ndërkohë që për zbardhjen e ngjarjës së plotë po vijon puna nga grupi hetimor.  

Njoftmi i AMP-s:

Shkodër - AMP ekzekuton masat e sigurisë për një punonjës policie dhe 3 punonjës së IMT. Agjencia e Mbikëqyrjes Policore (Rajoni Shkodër - Lezhë) ka ekzekutuar vendimin e Gjykatës së Shkallës së Parë të Juridiksioni të Përgjithshëm Shkodër, e cila ka caktuar masat e sigurimit personal me karakter ndalues “Detyrim për t’u paraqitur në policinë gjyqësore” parashikuar në nenin 234 të Kodit të Pr. Penale,  për një punonjës policie dhe tre punonjës të IMT-së, të dyshuar për kryerjen e veprës penale “Shpërdorim i detyrës” parashikuar në nenin 248 të Kodit Penal.

➡️ A.D., me detyrë N/Specialist i Policimit në Komunitet pranë Komisariatit të Policisë Vau i Dejës.
➡️ D. LL., me detyrë Inspektor pranë IMT-së, Bashkia Vau i Dejës.
➡️ J.H., me detyrë Inspektore pranë IMT- së, Bashkia Vau i Dejës.
➡️ M.L., me detyrë Përgjegjës pranë IMT-së, Bashkia Vau i Dejës.
 
Caktimi i masave të sigurisë u bë i mundur nga veprimet hetimore në bashkëpunim me Prokurorinë e Rrethit Gjyqësor Shkodër, pas sigurimit të informacionit nga AMP se disa shtetas po ndërtonin në mënyrë të paligjshme duke u favorizuar nga punonjësit e policisë dhe IMT-së. Vijojnë hetimet për zbardhjen e plotë të ngjarjes dhe përfshirjen e mundshme të personave të tjerë në këtë veprimtari kriminale./Dosja.al

amp

Sondazh

Poll