Bota

U akuzua se keqmenaxhoi përmbytjet vdekjeprurëse, jep dorëheqjen një vit më vonë Presidenti i rajonit të Valencias: Nuk mund të vazhdoj më, kam bërë gabime

Kjo erdhi pas ai është përballur me sulme dhe akuza të shumta, për keqmenaxhimin e përmbytjeve vdekjeprurëse të një viti më parë në Spanjë.

3 Nëntor 2025, 14:22 Nga E.d
U akuzua se keqmenaxhoi përmbytjet vdekjeprurëse, jep dorëheqjen
Presidenti i rajonit të Valencias, Carlo Mazon

SPANJË- Presidenti i rajonit të Valencias, Carlos Mazon ka dhënë dorëheqjen nga posti i tij. Kjo erdhi pas ai është përballur me sulme dhe akuza të shumta, për keqmenaxhimin e përmbytjeve vdekjeprurëse të një viti më parë në Spanjë. Mediat e huaja shkruajnë se si pasojë e kësaj katastrofe natyrore, kanë mbetur të vrarë 229 persona dhe janë shkaktuar miliarda euro dëme, kryesisht në periferitë në jug të Valencias, qytetit të tretë më të madh të Spanjës.
 
"Nuk mund të vazhdoj më. E di që kam bërë gabime, e pranoj dhe e di që do të më duhet të jetoj me to për pjesën tjetër të jetës sime." tha Carlos Mazon.
 
Presidenti Mazon ka kritikuar qeverinë e kryeministrit socialist Pedro Sanchez, për mungesën e ndihmës. Mazon fajësoi gjithashtu edhe agjencinë kombëtare të motit AEMET dhe organin që rregullon rrjetin hidrologjik rajonal, për dështimin për të paralajmëruar në mënyrë të saktë për katastrofën e afërt.

Banorët e zonave të prekura akuzojnë qeverinë rajonale se e ka lëshuar alarmin shumë vonë, pasi ndërtesat ishin nën ujë dhe shumë njerëz po mbyteshin. Ekspertët thonë se dështimet e njëpasnjëshme për të kryer punime për zbutjen e përmbytjeve në lumenj, për të mbrojtur më mirë shtëpitë, për të edukuar njerëzit dhe për të paralajmëruar banorët shpejt shtuan numrin e viktimave./Dosja.al

valencia carlos mazon përmbytje

Sondazh

Poll

MË SHUMË