Sport

Formula 1/ Felipe Massa çon në gjyq çështjen e Singaporit dhe kërkon 70 mln. USD!

Pas 17 vitesh, Felipe Massa e çon në gjykatë çështjen "Crashgate" të Singaporit të vitit 2008, duke kërkuar 70 milionë dollarë kompensim.

2 Nëntor 2025, 10:30 Nga DOSJA

Formula 1/ Felipe Massa çon në gjyq çështjen e

ANGLI - Felipe Massa e ka çuar çështjen që lidhet me Kampionatin Botëror të Formula 1 të vitit 2008 në gjykatën e Londrës. Seancat paraprake dëgjimore u mbajtën këtë javë për të përcaktuar nëse çështja, e cila u hap pas 17 vitesh, mund të vazhdojë në gjyq.

Rasti "Crashgate" dhe titulli i humbur me një pikë diferencë

Beteja ligjore ka të bëjë me incidentin famëkeq "Crashgate" që ndodhi  në Çmimin e Madh të Singaporit në vitin 2008. Nelson Piquet Jr. u rrëzua qëllimisht (siç e rrëfeu vetë FIA-s në vitin 2009, "me sugjerimin e Renault", tha ai) për të shkaktuar futjen e Makinës e Sigurisë.

Shoku i skuadrës së brazilianit, Fernando Alonso, ishte i pari që doli në boks, duke përfituar nga Makina e Sigurisë, dhe më pas u rikthye për të fituar garën. Flavio Briatore dhe Pat Symonds, shefi i Renault në atë kohë, u skualifikuan fillimisht dhe më pas u liruan nga akuzat.

Makina e Sigurisë dhe kaosi që pasoi i kushtuan Massës, i cili në atë kohë luftonte për titullin, një ndalesë katastrofike në boks (ai e rifilloi garën me kapakun e karburantit ende të lidhur), gjë që i dha fund garës dhe e privoi nga pikët thelbësore. Braziliani humbi titullin botëror të pilotit ndaj Lewis Hamilton (atëherë te McLaren)  me një pikë diferencë në renditjen e përgjithshme.

Formula 1/ Felipe Massa çon në gjyq çështjen e

"Rrëfimi" i Ecclestone në vitin 2023

Ngjarja që e shtyu Massën - i cili nuk po kërkon titullin e pilotit - të ndërmerrte veprime ligjore (të cilat filluan në gusht 2023) ishte intervista e dhënë në vitin 2023 nga ish-shefi i Formula 1, Bernie Ecclestone, i cili pranoi në një faqe interneti gjermane se kishte qenë në dijeni të "Crashgate" që në vitin 2008, por vendosi të mos ndërhynte. Megjithatë, kohët e fundit, Ecclestone tha në gjykatë se nuk e mbante mend ta kishte dhënë atë intervistë.

Massa nuk ka kërkuar shprehimisht që rezultati të anulohet, por po kërkon kompensim prej mbi 80 milionë dollarësh (rreth 70 milionë euro) dhe një deklaratë zyrtare se FIA ​​veproi në kundërshtim me rregulloret e veta duke mos hetuar menjëherë. 

FIA përgjigjet: "Po gabimet e Ferrarit?"

Në përgjigje të veprimit ligjor të Massa-s, Federata Ndërkombëtare e Automobilave (FIA), e kryesuar në atë kohë nga Max Mosley, reagoi ashpër. Federata theksoi:

"Shtetasi dhe banori multimilioner brazilian ka ngritur një kërkesë për kompensim në këtë juridiksion të Anglisë dhe Uellsit bazuar në një shkelje të dyshuar të rregulloreve ndërkombëtare të FIA-s, një organizatë private ndërkombëtare sportive me seli në Francë, në lidhje me ngjarjet që ndodhën gjatë dhe rreth Çmimit të Madh të Formula 1 të Singaporit mbi 17 vjet më parë, më 28 shtator 2008."

Deklarata e FIA-s nuk u ndal me kaq, duke përsëritur se kërkesa e Massa-s për kompensim "nuk vëren në dukje një sërë gabimesh të kryera nga ai vetë ose ekipi i tij, Ferrari, gjatë Çmimit të Madh të Singaporit dhe çmimeve të tjera të mëdha, të cilat kontribuan në vendin e tij të dytë në Kampionatin e Përgjithshëm të Pilotëve atë sezon".

B.T (Dosja.al)

Sondazh

Poll

MË SHUMË