Sport

Napoletanët shigjetojnë ish-trajnerin Spalleti: "Burra të turpshëm, fate të turpshme"…

Luciano Spalletti ndezi zemërim në Napoli me kalimin e tij te Juventusi: një baner fyes u shfaq në Ponte della Sanità.

31 Tetor 2025, 15:30 Nga DOSJA

Napoletanët shigjetojnë ish-trajnerin Spalleti: "Burra të

ITALI - Vendimi i Luciano Spallettit për të kaluar në Torino si trajner i Juventusit, vazhdon të nxisë polemika dhe debate të nxehta, veçanërisht në Napoli, qytetin ku tekniku u bë idhull, pasi fitoi Scudetton e tretë historik të klubit.

Pas kritikave në mediat sociale, zemërimi i mbështetësve napolitanë shpërtheu në një gjest më dramatik.

Mbrëmë, një banderolë që përmbante fyerje të ashpra kundër trajnerit toskan u shfaq në Ponte della Sanità, një nga zonat më të njohura të Napolit. Mesazhi, i cili shpreh qartë ndjenjën e tradhëtisë së fansave, thotë: "Burra të turpshëm, fate të turpshme". 

Grupi “Anima Azzurra” e shoqëroi banderolën me një postim eksplicit në Instagram: "Turp sepse je i rremë, i turpshëm sepse je tradhëtar. I turpshëm sepse as ti nuk e ke kuptuar plotësisht dashurinë tonë".

Episodi konfirmon zhgënjimin dhe zemërimin e thellë të mbështetësve të Napolit për vendimin e Spallettit për të pranuar ofertën nga Juventusi, një klub historik rival.

B.T (Dosja.al)

Sondazh

Poll

MË SHUMË