Sport

I liruar nga akuzat për sulm seksual, Daniel Alves bëhet predikues në një kishë…

Pas 14 muajsh burg dhe një lirimi nga akuzat për një sulm seksual, ish-mbrojtësi i Barcelonës, Daniel Alves, u pa në një kishë spanjole... duke predikuar.

28 Tetor 2025, 10:00 Nga DOSJA

I liruar nga akuzat për sulm seksual, Daniel Alves bëhet predikues

SPANJE - Me krahët lart, me ngërdheshje dhe sy të ngushtuar, Daniel Alves duket i pushtuar, ndërsa performon disa hapa vallëzimi para një grupi besimtarësh.

Pastaj, me mikrofon në dorë në fund të një skene, braziliani thërret me gjeste madhështore: "Ne duhet ta marrim seriozisht Zotin dhe të kemi besim, unë jam prova e gjallë e kësaj. Atë që Zoti premton, Zoti e përmbush. Unë bëra një pakt me Zotin."

I liruar nga akuzat në pranverë nga Gjykata e Lartë e Katalonjës për përdhunimin e një gruaje të re në një klub nate, ish-lojtari i Barçës dhe PSG-së ka gjetur një punë larg futbollit.

Pas 14 muajsh burg dhe një lirimi me kusht për një milion eurosh - përveç një pagese prej 150.000 eurosh të destinuara për viktimën e supozuar - Alves ishte zhdukur nga vëmendja e medias.

Derisa një video - e publikuar fillimisht nga media spanjole El Confidencial - e cila ka qarkulluar në mediat sociale që nga e hëna, zbuloi rikthimin e tij në besim. Në të, shohim ish-mbrojtësin, i cili e përshkruan veten si një "dishepull i Jezu Krishtit" në llogarinë e tij në Instagram, duke predikuar në një kishë spanjolle.

B.T (Dosja.al)

Sondazh

Poll

MË SHUMË