Sport

Leo Messi tregon arsyen pse ai e rinovoi kontratën e tij me Inter Miamin…

Leo është zotuar të qëndrojë me ekipin e MLS deri në vitin 2028, ja arsyeja…

26 Tetor 2025, 14:00 Nga DOSJA

Leo Messi tregon arsyen pse ai e rinovoi kontratën e tij me Inter

SHBA - Leo Messi (38) njoftoi disa ditë më parë vendimin e tij për të rinovuar me Inter Miamin, me të cilin kontrata e argjentinasit skadonte këtë dhjetor.

Ai ka nënshkruar deri në vitin 2028, dhe në orët e fundit, në një intervistë me 'NBC News', ai shpjegoi se çfarë e shtyu të pranonte ofertën për të vazhduar në klubin e MLS. “Ishte -thotë ai- një zgjedhje e lehtë”. 

"Gjithmonë kam thënë se i bazoj vendimet e mia në mënyrën se si ndihem ditë pas dite dhe si ndihem fizikisht dhe mendërisht për të vazhduar të luaj dhe të vazhdoj të jem pjesë e këtij klubi.

Dhe e vërteta është se u ndjeva shumë mirë gjatë gjithë vitit. Jam i lumtur që jetoj në Miami, ashtu si edhe familja ime", tha ish-lojtari i Barçës, i cili po luan në ‘play-off’-et e MLS me Inter Miami dhe i cili ka marrë çmimin "Këpuca e Artë" si golashënuesi më i mirë i ligës.

Leo Messi nënshkroi kontratën e tij në stadiumin Miami Freedom Park, i cili do të jetë shtëpia e Inter Miami duke filluar nga viti 2026. "Nënshkrimi i Leos deri në vitin 2028 është një homazh për qytetin tonë të jashtëzakonshëm.

Ne mezi presim të shkruajmë kapituj të rinj në stadiumin tonë, Miami Freedom Park", tha Jorge Mas, pronar i klubit nga Florida.

"Ne sollëm lojtarin më të madh në histori në qytetin tonë. Kjo tregon përkushtimin tonë ndaj Miamit, por edhe përkushtimin e Leos ndaj qytetit, klubit dhe lojës së futbollit", shtoi David Beckham, një nga bashkëpronarët.

B.T (Dosja.al)

Sondazh

Poll

MË SHUMË