Sport

Ish-sulmuesi Diego Forlan thyen tre brinjë gjatë një ndeshjeje amatorësh...

Diego Forlan u shtrua në spital të shtunën, pasi pësoi një tronditje gjatë një ndeshjeje për veteranë në Kampionatin Universitar të Uruguajit.

20 Tetor 2025, 20:30 Nga DOSJA

Ish-sulmuesi Diego Forlan thyen tre brinjë gjatë një ndeshjeje

URUGUAJI - Një ndeshje e thjeshtë amatore që përfundoi në spital, është ajo që i ndodhi Diego Forlance këtë fundjavë. Golashënuesi më i mirë i Kupës së Botës 2010 pësoi një dëmtim serioz të shtunën gjatë ndeshjes së ekipit të tij kundër Old Christians në kampionatin e veteranëve të Uruguajit.

Në një lëvizje në dukje të padëmshme, Forlan ishte gati të godiste, por u godit dhunshëm nga një lojtar kundërshtar. Rezultati: tre fraktura brinjësh dhe një pneumotoraks i lehtë.

Ishte një tronditje për 46-vjeçarin, i cili e shpjegoi zhgënjimin e tij në shënimet zanore të transmetuara nga El Pais Uruguay: “Në 20 vjet si profesionist, kjo nuk më kishte ndodhur kurrë.”

Pavarësisht gjestit të dhunshëm, ish-sulmuesi i Atlético Madrid nuk e fajëson ‘torturuesin’ e tij: "Unë godas, kërcej dhe pastaj, ose e godas unë ose ai më godet mua, por nuk është faji i askujt, është veprimi. Ai nuk kishte përgjegjësi. E gjeta veten të paekuilibruar në ajër, nuk mund ta ngrija dorën për të zbutur goditjen dhe rashë si një thes me patate."

Forlan, i cili u tërhoq në vitin 2019 nga futbolli, pritet të qëndrojë në spital deri të martën, sipas klubit të tij, përpara se të mungojë për shumë muaj në vazhdim.

B.T (Dosja.al)

Sondazh

Poll

MË SHUMË