Sport

“Tysoni” shqiptar Meridon Karaxha fitoi me nokaut teknik, kundërshtari i tij serb ankohet: “Më kafshoi”…

Siç raportohet nga mediat serbe, skandali i pabesueshëm ndodhi në një turne në qytetin e Leuvenit, Belgjikë.

20 Tetor 2025, 16:26 Nga DOSJA

“Tysoni” shqiptar Meridon Karaxha fitoi me nokaut teknik,

BELGJIKE - Një incident i paprecedentë raportohet se ka ndodhur gjatë një turneu boksi  profesionist në qytetin Leuven të Belgjikës, duke shkaktuar reagime të ashpra në Serbi.

Në turneun e quajtur LLN Boxing Night, të shtunën në mbrëmje, serbi Djordje Stojkovic dhe belgu me origjinë shqiptare Meriton Karaxha u përballën në kategorinë deri 67 kg.

Ndërsa lufta e tyre arriti në raundin e 4-t, thuhet se Karaxha e kafshoi Stojkovicin në shpatullën e djathtë, duke bërë që serbi të ndalonte së luftuari, duke e kapur fort shpatullën e tij të dëmtuar.

Dhe aty, siç ankohen përherë serbët, gjyqtari i ndeshjes, Michel Maxiuta, në vend që ta ndëshkonte Karaxhën me skualifikim për sjellje josportive, e ndaloi ndeshjen dhe e shpalli shqiptarin fitues, duke e regjistruar rezultatin si një nokaut teknik.

“Tysoni” shqiptar Meridon Karaxha fitoi me nokaut teknik,

Federata Serbe e Boksit Profesional reagoi ashpër, duke njoftuar se do të paraqesë një ankesë zyrtare në Federatën Belge, duke kërkuar një shqyrtim të videos dhe një përmbysje të vendimit.

B.T (Dosja.al)

Sondazh

Poll