Bota

Zgjedhjet lokale në Maqedoninë e Veriut, Aleanca Kombëtare për Integrim: Presim të shkruajmë histori

Ademi ngriti shqetësimin se përdorimi i policisë gjatë ditës së votimit ka ndikuar te votuesit, duke e cilësuar si presion të papranueshëm ndaj procesit demokratik.

19 Tetor 2025, 21:16 Nga M.L
Zgjedhjet lokale në Maqedoninë e Veriut, Aleanca Kombëtare
Arbër Ademi

MAQEDONI E VERIUT- Pas mbylljes së raundit të parë të votimeve për zgjedhjet lokale në Maqedoninë e Veriut, zëdhënësi i Aleancës Kombëtare për Integrim, Arbër Ademi, reagoi përmes një konference për media. Ademi ngriti shqetësimin se përdorimi i policisë gjatë ditës së votimit ka ndikuar te votuesit, duke e cilësuar si presion të papranueshëm ndaj procesit demokratik.

Megjithatë, ai u shpreh optimist për rezultatin, duke theksuar pritshmëri pozitive në komunën e Çashkës, ku sipas tij gara është zhvilluar me mbështetje të gjerë për kandidatin e Aleancës.

“Ne presim që sonte të shkruajmë histori. Mjafton të numërohen votat, të numërohet vullneti i qytetarëve dhe ne besojmë thellësisht se Çashka do të jetë shqiptare,” përfundoi zëdhënësi i Aleancës Kombëtare për Integrim./ Dosja.al

arbër ademi

Sondazh

Poll