Politike

"Kauza e saj është krenari kombëtare"/ PD: Asnjë urdhër për bojkotin e mitingut në mbështetje të UÇK-së

Me anë të një deklarate, PD njofton se nuk ka dhënë asnjë urdhër, verbal apo me shkrim, që përfaqësues apo mbështetës të saj të mos jenë në mitingun mbështetës për ish-krerët e UÇK-së. 

17 Tetor 2025, 21:11 Nga E. D
"Kauza e saj është krenari kombëtare"/ PD: Asnjë
PD

TIRANË- Partia Demokratike ka reaguar për mungesën e pjesëmarrjes së deputetëve të PD në mitingun e organizuar në mbështetje të UÇK-së në Tiranë. Me anë të një deklarate, PD njofton se nuk ka dhënë asnjë urdhër, verbal apo me shkrim, që përfaqësues apo mbështetës të saj të mos jenë në mitingun mbështetës për ish-krerët e UÇK-së. 

Partia Demokratike shkruan në deklaratë se spekulimi banal i ndonjë medieje se ky urdhër ekziston është pjesa e skenarit të përhershëm anti-opozitar te Ramaduros dhe PD e hedh poshtë si të tillë.

Deklarata e PD:

Partia Demokratike nuk ka dhënë asnjë urdhër, verbal apo me shkrim, që përfaqësues apo mbështetës të saj, të mos jenë në mitingun mbështetës për ish-krerët e UÇK-së, në proces gjyqësor në Hagë. Spekulimi banal i ndonjë medieje se ky urdhër ekziston është pjesa e skenarit të përhershëm anti-opozitar te Ramaduros dhe Partia Demokratike e hedh poshtë si të tillë.

Siç theksohet në deklaratën e Partisë Demokratike të sapo hedhur dhe në qëndrimet e ditëve të fundit dhe të përhershme të kryetarit të saj, Berisha, kauza e UÇK, lufta e saj dhe e popullit shqiptar të Kosovës, janë jo vetëm të drejta, por edhe pjesë e nderit të përjetshëm të kombit dhe çështjes kombëtare shqiptare./Dosja.al

partia demokratike protesta per uck

Sondazh

Poll

MË SHUMË