Sport

Trajneri Tomasson po i çmend suedezët… "Kam kontratë, nuk largohem!"

Trajneri i Suedisë, danezi Jon Dahl Tomasson ka refuzuar të japë dorëheqje, pavarësisht presionit të madh nga publiku dhe opinionistët suedezë pas humbjes ndaj Kosovës në Goteborg.

14 Tetor 2025, 11:30 Nga DOSJA

Trajneri Tomasson po i çmend suedezët… "Kam

SUEDI - Pas katër ndeshjeve në Grupin B, në kualifikueset për Kupën e Botës 2026 në zonën europiane, Suedia ndodhet në vendin e fundit me vetëm 1 pikë, duke e bërë situatën tepër të vështirë.

E vetmja shpresë për nordikët për një biletë drejt Kupës së Botës 2026 mbetet kalimi nëpërmjet play-off-it të Ligës së Kombeve, megjithëse edhe kjo rrugë duket tashmë shumë e zbehtë.

Pas fitores 1-0 në Goteborg, Kosova ka bërë një hap të madh drejt zonës së kualifikimit, duke u ngjitur në vendin e dytë me 7 pikë, tre më pak se Zvicra që kryeson grupin.

“Kam një kontratë me SFF dhe jemi në mes të kualifikimeve”, deklaroi Tomasson për Viaplay, duke përsëritur disa herë se nuk ka ndërmend të largohet nga posti i tij.

“Nuk ishte një mbrëmje e mirë. Ishte një rezultat i tmerrshëm. Por unë pres të qëndroj. Nuk mendoj se lojtarët kanë humbur besimin te taktika”, nënvizoi ai.

Pas ndeshjes, ish-ndërkombëtari suedez Johan Elmander, tashmë analist për Radiosporten, reagoi ashpër.

“Koha e tij me kombëtaren ka mbaruar. Ose jep dorëheqje vetë, ose federata duhet të veprojë”, deklaroi Elmander.

B.T (Dosja.al)

 

Sondazh

Poll

MË SHUMË