Sport

Kupa e Botës 2026/ Shtyhet debutimi për Gripshin, Sylvinho e dërgon në tribunë...

Për lojtarin e Astanës dita e duhur për debutim mund të jetë ajo kur Shqipëria do të presë Jordaninë në “Air Albania”.

11 Tetor 2025, 14:00 Nga DOSJA
Kupa e Botës 2026/ Shtyhet debutimi për Gripshin, Sylvinho e

SERBI - U grumbullua për të zëvendësuar të dëmtuarin Adrion Pajazitin dhe shpresonte që në Leskovac do të kishte shanse për të bërë debutimin e ëndrrave me Kombëtaren kuqezi, por durrsakut Nazmi Gripshit i duhet që të presë ende për momentin e madh.

Ish-futbollisti i Skënderbeut u grumbullua në limit për duelin me Serbinë, por Sylvinho nuk ka patur vend për të në stol për duelin e sotëm. Braziliani ka vendosur ta dërgojë në tribunë, duke bërë që Gripshi këtë përballje ta shikojë nga shkallët e stadiumit.

Për lojtarin e Astanës dita e duhur mund të jetë ajo kur Shqipëria pret në “Air Albania” Jordaninë. Miqësorja që do të mbahet në Tiranë pak ditë më pas mund të jetë ndeshja kur ai do të bëjë debutimin aq shumë të kërkuar.

B.T (Dosja.al)

Sondazh

Poll