Politike

Presidentja Osmani mandaton Albin Kurtin për të formuar qeverinë e Kosovës: Brenda 15 ditësh duhet qeveria e re

Në njoftimin për media thuhet se ky vendim është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të deputetëve në Kuvend.

11 Tetor 2025, 12:07 Nga I.A
Presidentja Osmani mandaton Albin Kurtin për të formuar qeverinë
Albin Kurti dhe Vjosa Osmani

KOSOVË- Presidentja e Republikës së Kosovës, Vjosa Osmani ka nënshkruar sot Dekretin, me të cilin mandaton Albin Kurtin për formimin e Qeverisë së Republikës së Kosovës. Në njoftimin për media thuhet se ky vendim është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të deputetëve në Kuvend.

"Sipas Kushtetutës, mandatari për formimin e Qeverisë, z. Kurti, është i obliguar që jo më vonë se pesëmbëdhjetë (15) ditë nga dita e dekretimit, t’i paraqesë Kuvendit të Republikës së Kosovës përbërjen dhe programin e Qeverisë për miratim. Presidentja i ka uruar suksese Kurtit, kryeministër në detyrë, me shpresën që Republika e Kosovës sa më parë të ketë Qeveri me mandat të plotë kushtetues", thuhet në njoftim./Dosja.al

albin kurti vjosa osmani

Sondazh

Poll

MË SHUMË