Aktualitet

Dhunuan barbarisht me sende të forta punonjësin e pastrimit! Arrestohen dy autorët e dyshuar, me precedent për plagosje dhe narkotikë

Bëhet me dije se dy personat e vënë në pranga nga policia e Vlorës, janë me precedent të mëparshëm penal për 'plagosje e rëndë me dashje', kryer me armë zjarri; dhe 'prodhim dhe shitje e narkotikëve'; ndërsa tani mbi to rëndon vepra penale 'plagosja e rëndë me dashje' e kryer në bashkëpunim.

9 Tetor 2025, 21:38 Nga M.L
Dhunuan barbarisht me sende të forta punonjësin e pastrimit!
Punonjësi që u dhunua, Kozma Kukli

VLORË- Dy persona janë arrestuar nga policia e Vlorës si autorë të dyshuar të dhunimit brutal të 61-vjeçarit Kozma Kukli, punonjës i Ndërmarrjes së Pastrimit. Mësohet se Ermal Sakaj dhe Kaludio Nurçaj, janë vënë në pranga pasi në bashkëpunim me njëri-tjetrin, për motive të dobët kanë dhunuar fizikisht me sende të forta 61-vjeçarin, i cili aktualisht ndodhet i shtruar në repartin e Reanimacionit të Spitalit Rajonal Vlorë. Bëhet me dije se dy personat e vënë në pranga nga policia e Vlorës, janë me precedent të mëparshëm penal për 'plagosje e rëndë me dashje', kryer me armë zjarri; dhe 'prodhim dhe shitje e narkotikëve'; ndërsa tani mbi to rëndon vepra penale 'plagosja e rëndë me dashje' e kryer në bashkëpunim.

NJOFTIMI I POLICISË:

Shërbimet e Komisariatit të Policisë Vlorë, pas marrjes së njoftimit se në vendin e quajtur “Tregu i Çoles”, në lagjen “Bashkimi”, një shtetas ishte dhunuar fizikisht, organizuan punën për identifikimin dhe kapjen e autorëve.

Si rezultat i veprimeve të shpejta hetimore dhe këqyrjes së pamjeve filmike, u bë e mundur kapja dhe ndalimi i shtetasve:

* E. S., 37 vjeç, banues në Vlorë, i dënuar më parë për “Plagosje e rëndë me dashje”, kryer me armë zjarri;

* K. N., 30 vjeç, banues në Vlorë, i dënuar më parë për “Prodhim dhe shitje e narkotikëve”.

Këta shtetas, në bashkëpunim me njëri-tjetrin, për motive të dobëta, kanë dhunuar fizikisht me sende të forta shtetasin K. K., 61 vjeç, banues në Vlorë, i cili aktualisht ndodhet i shtruar në repartin e Reanimacionit të Spitalit Rajonal Vlorë.

Materialet iu referuan Prokurorisë, për veprën penale “Plagosja e rëndë me dashje” e kryer në bashkëpunim.

Ngjarja e rëndë ka ndodhur sot në Vlorë rreth orës 14:00, përballë tregut të Çoles. Mësohet se është dhunuar fizikisht Kozma Kukli, punonjës i Ndërmarrjes së Pastrimit. Kukli ndodhet aktualisht në gjendje të rëndë shëndetësore në spitalin rajonal të Vlorës. Siç shihet edhe në pamje 70-vjeçari duket i 'larë' në gjak dhe fasho në kokë. 

Nga spitali i Vlorës ai ka dëshmuar se dy persona janë afruar me një furgon, kanë zbritur dhe e kanë goditur pa asnjë paralajmërim. Më pas banorët kanë ndërhyrë dhe kanë njoftuar ambulancën dhe policinë, ndërsa i moshuari është dërguar me urgjencë në spital. Gjithashtu mjekët bëjnë me dije se ka pësuar dëmtime të shumta në kokë dhe në syrin e djathtë, i cili rrezikon shikimin. Megjithatë ende nuk dihen detaje të mëtejshme, por njoftim zyrtar nga policia./ Dosja.al

vlore

Sondazh

Poll

MË SHUMË