Aktualitet

Do dërgohen në Itali për analiza, nis procesi për marrjen e mostrave nga mbetjet toksike në Porto Romano

Mësohet se në kushte të rrepta sigurie dhe mbrojtje higjenike, ekspertët kanë mbërritur në vendin ku janë dislokuar mbetjet toksike në zonën e Porto Romanos.  

9 Tetor 2025, 12:42 Nga I.A

Do dërgohen në Itali për analiza, nis procesi për marrjen e

DURRËS- Procesi për marrjen e mostrave nga mbetjet toksike në Porto Romano ka nisur ditën e sotme. Mësohet se në kushte të rrepta sigurie dhe mbrojtje higjenike, ekspertët kanë mbërritur në vendin ku janë dislokuar mbetjet toksike në zonën e Porto Romanos.  

Për shkak të qëndrimit të gjatë në këtë vend, mbetjet mund të jenë ngurtësuar, duke e bërë marrjen e kampionëve më të ndërlikuar. Mostrat e marra do të dërgohen për analiza të detajuara në një laborator të specializuar në Itali, me qëllim përcaktimin e përbërjes dhe nivelit të mundshëm të toksicitetit.

Organizata joqeveritare me bazë në Seattle, Basel Action Netëork, ose BAN, njoftoi autoritetet për anijen në gusht të vitit të kaluar, pasi mori informacion nga një sinjalizues se kontejnerët në bord dyshohet se mbanin rreth 2,100 ton pluhur toksik që vjen nga filtrat e kontrollit të ndotjes nga industria e çelikut. BAN tha se kontejnerët u larguan nga Durrësi më 4 korrik me dy anije të marra nga Maersk me destinacion Tajlandën. Grupi tha se paralajmëroi disa vende tranziti dhe bashkëpunoi me EARTH, një organizatë mjedisore tajlandeze, të cilët së bashku ngritën alarmin për dërgesën.

Tajlanda refuzoi të pranonte dërgesën, duke u kërkuar autoriteteve në Singapor ta ndalonin atë. Anijet u ankoruan më pas në një port turk dhe kontejnerët u ngarkuan në anijen me flamur turk, e cila ndaloi për pak kohë në portin italian të Gioia Tauro përpara se të shkonte në Shqipëri. Në dokumentacionin doganor thuhet se kontejnerët përmbanin oksid hekuri./Dosja.al

mbetjet toksike ne durres porto romano mbetjet ne porto romano

Sondazh

Poll

MË SHUMË