Sport

Edhe Jordi Alba njoftoi se do t'i japë fund karrierës së tij në fund të sezonit…

Mbrojtësi i Barcelonës dhe i kombëtares spanjole, Jordi Alba, 36 vjeç, njoftoi të martën në një video në rrjetet e tij sociale se do të tërhiqet nga futbolli në fund të sezonit të Major League Soccer (MLS) me Inter Miamin.

7 Tetor 2025, 20:00 Nga DOSJA
Edhe Jordi Alba njoftoi se do t'i japë fund karrierës së tij
Jordi Alba është gati të dalë në pension

SHBA - Mbrojtësi i majtë Jordi Alba, 36 vjeç, njoftoi të martën në një video në rrjetet e tij sociale se do të tërhiqet në fund të sezonit të Major League Soccer (MLS) me Inter Miamin.

Ky njoftim vjen më shumë se një javë pas tërheqjes nga futbolli të Sergio Busquets, 37 vjeç, gjithashtu shok skuadre i Lionel Messit dhe ish-legjendë e FC Barcelonës. "Faleminderit futboll, faleminderit për gjithçka", tha ai para kameras.

I lindur në L'Hospitalet de Llobregat, në provincën e Barcelonës, Jordi Alba e filloi karrierën e tij me Valencian (2008-2012) përpara se të bashkohej me Barçën, ku luajti nga viti 2012 deri në vitin 2023. Me klubin katalanas, ai bëri 459 ndeshje, duke shënuar 27 gola dhe duke dhënë 99 asiste. Në vitin 2023, ai iu bashkua mikut të tij Messi te Inter Miami dhe bëri 95 ndeshje (14 gola, 28 asiste).

 
 
 
 
 
View this post on Instagram
 
 
 
 
 
 
 
 
 
 
 

A post shared by Jordi Alba (@jordialbaoficial)

Arritjet e tij përfshijnë një Ligë Kampionësh (2015) dhe gjashtë tituj të ligës spanjole (2013, 2015, 2016, 2018, 2019, 2023). Ai gjithashtu përfaqësoi ekipin kombëtar spanjol: 93 ndeshje, 10 gola midis viteve 2011 dhe 2023. Dhe me La Roja, ai pushtoi Kampionatin Evropian në vitin 2012.

B.T (Dosja.al)

Sondazh

Poll

MË SHUMË