Bota

Tragjedi natyrore në Indi dhe Nepal/ Mbi 60 viktima nga rrëshqitja e tokës dhe dhjetra të tjerë të humbur

Përmbytje të shumta, shembje rrugësh dhe toke kanë ndodhur këto ditë në shtetet si Nepali dhe India.

5 Tetor 2025, 13:49 Nga E.d
Tragjedi natyrore në Indi dhe Nepal/ Mbi 60 viktima nga rrëshqitja e
Foto ilustruse

NEPAL - Mbi 60 persona kanë humbur jetën në Indi dhe Nnepal për shkak të rrëshqitjes së tokës nga shirat e rrëmbyer, të cilët kanë mbuluar vendin. Përmbytje të shumta, shembje rrugësh dhe toke kanë ndodhur këto ditë në shtetet si Nepali dhe India. Mediat e huaja raportojnë se 47 persona kanë humbur jetën në Nepal, ndërkohë që nëntë të tjerë rezultojnë të humbur.
 
Përmbytja ka bllokuar rrugët kryesore dhe ka shkatërruar disa ura, duke e ndarë kryeqytetin, Katmandu, nga pjesët e tjera të vendit. Fluturimet e brendshme të aeroportit janë pezulluar, ndonëse operacionet ndërkombëtare mbetën të paprekura.
Autoritetet thanë se lumi Koshi në Nepalin juglindor, i cili shpesh shkakton përmbytje vdekjeprurëse në shtetin Bihar të Indisë po rrjedh mbi nivelet e rrezikut. Ndërsa në Indi të paktën 17 persona u konfirmuan të vdekur në rrëshqitjet e tokës, ku shiu i  rrëmbyeshëm ka shkaktuar shembjen e një ure dhe shkatërrime të tjera të mëdha.

"Terreni është i rrëshqitshëm dhe disa shtëpi janë dëmtuar. Makinat e zhvendosjes së dheut po e kanë jashtëzakonisht të vështirë të operojnë në këto shpate", tha një oficer i lartë policie n Indi.

Departamenti Meteorologjik i Indisë ka lëshuar një alarm të kuq për reshje ekstreme shiu, duke paralajmëruar për rrëshqitje të mëtejshme të dheut dhe përmbytje deri të paktën më 6 tetor./Dosja.al
 

nepal indi tragjedi

Sondazh

Poll

MË SHUMË