Sport

Luis Enrique diskret për formacionin para Barçës: "Vendimi do të vijë nga lojtarët"…

Trajneri i PSG-së, Luis Enrique, foli në një konferencë për shtyp të martën rreth situatës së lojtarëve të pasigurt, Joao Neves dhe Vitinha, përpara ndeshjes së Ligës së Kampionëve kundër Barçës të mërkurën (ora 21:00).

30 Shtator 2025, 18:20 Nga DOSJA
Luis Enrique diskret për formacionin para Barçës: "Vendimi

SPANJE - I pyetur në një konferencë për shtyp këtë të martë, në prag të ndeshjes së ditës së dytë të fazës së Ligës së Kampionëve kundër Barçës, Luis Enrique dha mendimin e tij mbi situatën e lojtarëve të dyshimtë për ndeshjen, përkatësisht Joao Neves, i cili mungoi në dy ndeshjet e fundit, dhe Vitinha, i cili u dëmtua kundër Auxerre të shtunën. 

"Duhet të presim për stërvitjen e sotme (të martën)," u përgjigj ai. " Për të qenë i sinqertë, nuk e di (nëse do të luajnë)".

"Vendimi do të vijë më shumë nga lojtarët sesa nga unë, ata duhet ta ndiejnë se janë gati", vazhdoi trajneri spanjol, ndërsa specifikoi se kjo ndeshje e Ligës së Kampionëve ishte e rëndësishme, por jo vendimtare. 

"Do ta bëjmë seancën dhe, më pas, kur të zgjohemi nesër (e mërkurë), do të shohim në varësi të ndjenjës së lojtarëve", përfundoi ai. "Të tjerët mund të luajnë, ose jo. Do ta shohim."

B.T (Dosja.al)

Sondazh

Poll

MË SHUMË