Sport

Bernardeschi shfryhet: "Më quajtën gej sepse kisha veshur një fund"...

Futbollisti foli për tabunë e homoseksualitetit në botën e futbollit

30 Shtator 2025, 18:08 Nga DOSJA
Bernardeschi shfryhet: "Më quajtën gej sepse kisha veshur

ITALI - Federico Bernardeschi, i ftuar në podcastin Bsmt të Gianluca Gazzolit, kujtoi një episod të dymbëdhjetë vjet më parë, në fillim të karrierës së tij, kur vendosi të vishte një fund, "një pantagonna", duke tërhequr kritika dhe komente homofobike.

"Dymbëdhjetë vjet më parë vesha një fund. Cili ishte problemi? Nëse më pëlqen, e vesh", tha Bernardeschi, duke pohuar me krenari lirinë e shprehjes.

Ish-lojtari i Juventusit shpjegoi se, për atë zgjedhje, ai u etiketua si homoseksual: "Sa herë më kanë thënë se jam gej! Po sikur të isha gej? Çfarë problemi ka? A mendoni se nuk duhet ta thoja? Në fakt, do të isha krenar për këtë."

Anësori i Bolonjës pranoi se në atë kohë, ende i ri ndaj presionit mediatik, incidenti e preku veçanërisht: "Mbërrita në dhomën e zhveshjes së Fiorentinës dhe lexova në gazeta 'Ai veshi një fund'... më dhembi në atë moment."

Por sot Bernardeschi pohon me krenari lirinë e tij: "Njerëzit duhet ta kuptojnë se në këtë botë, të gjithë duhet të jenë të lirë të bëjnë çfarë të duan."

B.T (Dosja.al)

Sondazh

Poll

MË SHUMË