Aktualitet

Kishte pikët më të larta, Asim Vokshi zgjidhet anëtar i Gjykatës Kushtetuese

Nga anëtarët që morën pjesë në garë, mësohet se Vokshi kishte pikët më të larta.

30 Shtator 2025, 09:44 Nga I.A
Kishte pikët më të larta, Asim Vokshi zgjidhet anëtar i
Asim Vokshi

TIRANË- Asim Vokshi është zgjedhur ditën e sotme si anëtari më i ri i Gjykatës Kushtetuese. Pas vakancës së krijuar nga Holta Zaçaj, Gjykata e Lartë vendosi sot që Vokshi të zgjidhet anëtar i Kushtetueses edhe pse më shumë vota nga anëtarët e GJL-së ka marrë Naureda Llagami dhe jo Vokshi. 

Nga anëtarët që morën pjesë në garë, mësohet se Vokshi kishte pikët më të larta. Kështu që nga anëtar i Gjykatës së Lartë, Bokshi ka kaluar tashmë në Gjykatën Kushtetuese. 

Njoftimi: 

Në ambientet e Gjykatës së Lartë, u zhvillua Mbledhja e Posaçme e gjyqtarëve të kësaj gjykate, me qëllim zhvillimin e procedurës së votimit për zgjedhjen e një anëtari të Gjykatës Kushtetuese.

Procesi u zhvillua në përputhje me parashikimet e Kushtetutës, ligjit nr. 8577/2000 “Për organizimin dhe funksionimin e Gjykatës Kushtetuese”, i ndryshuar, si dhe Rregullores së miratuar nga Mbledhja e Përgjithshme e Gjyqtarëve të Gjykatës së Lartë.

Në përfundim të votimit, komisioni pasi verifikoi vlefshmërinë dhe numrin total të votave për secilin kandidat, konstatoi se:

z. Asim Vokshi – 6 vota

zj. Naureda Llagami – 8 vota

z. Florian Ballhysa – 0 vota

Komisioni kontatoi gjithashtu edhe një fletë votimi të pavlefshme.

Në kushtet kur parashikimet ligjore përcaktojnë se shpallet fitues kandidati që merr 3/5  e votave të pjesëmarrësve, dhe në rastin e votimit të sotëm ku asnjë nga kandidatët nuk e arriti këtë prag, komisioni shpall fitues kandidatin e renditur të parin nga Këshilli i Emërimeve në Drejtësi.  Në këto kushte, z. Asim Vokshi zgjidhet anëtar i Gjykatës Kushtetuese.

Vendimi për zgjedhjen e z. Vokshi i komunikohet menjëherë Kryetarit të Kuvendit, Presidentit të Republikës dhe Kryetarit të Gjykatës Kushtetuese, si dhe do të publikohet në Qendrën e Publikimeve Zyrtare.

asim vokshi

Sondazh

Poll

MË SHUMË