Aktualitet

Arrestohet 41-vjeçari në Vlorë, kapet me kokainë dhe kanabis në makinë

Mësohet se 41-veçari u kap në makinë me kanabis dhe kokainë, të cilat ishin ndarë në doza gati për shitje. 

23 Shtator 2025, 09:38 Nga I.A
Arrestohet 41-vjeçari në Vlorë, kapet me kokainë dhe
Kanabisi

VLORË- Një 41-vjeçar është arrestuar ditën e sotme në Vlorë pasi u kap me lëndë narkotike. Mësohet se 41-veçari u kap në makinë me kanabis dhe kokainë, të cilat ishin ndarë në doza gati për shitje. 

Njoftimi i Policisë:

DVP Vlorë- Vijojnë kontrollet nga shërbimet e Policisë Vlorë, për parandalimin dhe goditjen e veprimtarive kriminale në fushën e narkotikëve. Vihet në pranga një 41-vjeçar, i cili transportonte në automjet lëndë narkotike, me qëllim shitjen e saj në qytetin e Vlorës.

Sekuestrohen sasi kokaine dhe kanabisi, gati për shitje. Në vijim të kontrolleve të intensifikuara dhe bazuar në informacionet e siguruara, shërbimet e Seksionit për Hetimin e Narkotikëve, me ndërhyrjen e menjëhershme të Forcës së Posaçme Shqiponja, organizuan dhe finalizuan goditjen e një rasti të shitjes së lëndëve narkotike. Si rezultat, u arrestua në flagrancë shtetasi:• E. V., 41 vjeç, banues në Lushnjë.

Gjatë kontrollit të ushtruar në automjetin tip “Hyundai”, me drejtues këtë shtetas, shërbimet e Policisë gjetën dhe sekuestruan, në cilësinë e provës materiale, një sasi lënde të dyshuar narkotike kokainë dhe një sasi lënde të dyshuar narkotike kanabis sativa, të ndara në 4 ambalazhime plastike.

Në përfundim të veprimeve, materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Prodhimi dhe shitja e narkotikëve”.

kanabis

Sondazh

Poll

MË SHUMË