Bota

Franca ngrihet në këmbe, proteston kundër masave shtërnguese të Macronit

Sindikatat bëjnë thirrje që të anullohen planet fiskale të qeversisë së mëparshme në mënyrë që të ketë më shumë shpenzime për shërbimet publike dhe më shumë taksa për shtesën e pasur.

18 Shtator 2025, 14:33 Nga E.d

Franca ngrihet në këmbe, proteston kundër masave shtërnguese

PARIS - Protesta masive pritet që të përfshijnë Francën. Reuters shkruan se rreth 800,000 njerëz priten të marrin pjesë në protestën dhe grevat në Francë kundër shkurtimeve të afërta të buxhetit. Sindikatat bëjnë thirrje që të anullohen planet fiskale të qeversisë së mëparshme në mënyrë që të ketë më shumë shpenzime për shërbimet publike dhe më shumë taksa për shtesën e pasur.

Gjithashtu ata kërkojnë që të ulet mosha e pencionit pasi kjo i detyron  të punojnë më shumë për të arritur këtë status. Në Paris, shumë linja metroje u parashikua të pezulloheshin, ndërsa qindra nxënësit u mblodhën për të bllokuar hyrjet e disa shkollave.

"Bllokoni shkollën tuaj të mesme kundër masave shtrënguese", shkruhej në një pankartë të ngritur nga një nxënës përpara shkollës së mesme Lycee Maurice Ravel në kryeqytetin francez.

"Jam këtu për të mbrojtur shërbimet publike", tha  mësuesi 33-vjeçar Gaetan Legay në të njëjtin tubim.

Makron dhe kryeministri i tij i sapoemëruar Sebastien Lecornu janë nën presion nga parlamenti për shkurtimet e mundshme të buxhetit dhe nga investitorët e shqetësuar për deficitin në ekonominë e dytë më të madhe të eurozonës. Punëtorët janë gjithashtu të zemëruar nga planet fiskale.

"Punëtorët që ne përfaqësojmë janë të zemëruar", thanë sindikatat kryesore të vendit në një deklaratë të përbashkët.

Edhe sindikata e fermerëve, kanë bërë gjithashtu thirrje për mobilizim. Deficiti buxhetor i Francës vitin e kaluar ishte pothuajse dyfishi i tavanit prej 3% të BE-së, por pavarësisht se ai dëshiron ta ulë atë, Lecornu - i varur nga partitë e tjera për të çuar përpara legjislacionin do të përballet me një betejë për të mbledhur mbështetjen parlamentare për një buxhet për vitin 2026. Ndërsa rreth 80,000 policë dhe xhandarë do të vendosen gjatë gjithë ditës. Njësitë e trazirave, dronë dhe automjete të blinduara do të jenë në dispozicion.

francë protestë proteste ne france

Sondazh

Poll

MË SHUMË