Aktualitet

Vendi vakant në Kushtetuese/ KED publikon renditjen e 6 kandidatëve sipas pikëve të vlerësimit

Në krye të listës është Asim Vokshi me 89.5 pikë i ndjekur nga Naureda Llagami me 89.3 pikë, Florjan Ballhysa me 77.83 pikë, Alma Faskaj me 77.77 pikë, Genta Tafa (Bungo) me 75.44 pikë dhe në fund Alban Toro 74.22 me pikë. 

18 Shtator 2025, 08:52 Nga I.A
Vendi vakant në Kushtetuese/ KED publikon renditjen e 6 kandidatëve
Gjykata e Larte

TIRANË- Këshilli i Emërimeve në Drejtësi ka publikuar ditën e sotme kandidatët që do t'i kalojnë Gjykatës së Lartë, për vendin vakant në Gjykatën Kushtetuese. Në njoftimin e KED, përveç emrave janë edhe pikët që ka marrë secili kandidat. 

Në krye të listës është Asim Vokshi me 89.5 pikë i ndjekur nga Naureda Llagami me 89.3 pikë, Florjan Ballhysa me 77.83 pikë, Alma Faskaj me 77.77 pikë, Genta Tafa (Bungo) me 75.44 pikë dhe në fund Alban Toro 74.22 me pikë. 

Njoftimi i KED: 

Këshilli i Emërimeve në Drejtësi (KED), në vijim të procedurave të vlerësimit të kandidaturave për të cilët është vendosur lejimi për konkurimin në vendin vakant në Gjykatën Kushtetuese, në zbatim të dispozitave ligjore, pas shqyrtimit të gjithanshëm të dokumentacionit të paraqitur nga vetë kandidatët dhe atij të siguruar nga ky Këshill si dhe komunikimit me institucionet e tjera lidhur me të dhënat e nevojshme për vlerësimin e kandidaturave, bën publike rezultatin e vlerësimit dhe pikëzimit të kandidatëve, sipas kësaj renditje:

1) Asim Vokshi   89.5   pikë;
2) Naureda Llagami  89.3   pikë;
3) Florjan Ballhysa  77.83 pikë;
4) Alma Faskaj  77.77 pikë;
5) Genta Tafa (Bungo) 75.44 pikë;
6) Alban Toro   74.22 pikë.

Në zbatim të nenit 239 të ligjit nr. 115/2016 dhe Vendimit nr. 5 datë 02.04.2019 “Për kriteret dhe procedurën e vlerësimit, pikëzimit dhe renditjes së kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë”, KED do të miratojë edhe Raportin e arsyetuar për procedurën e verifikimit, të vlerësimit dhe pikëzimit të secilit kandidat dhe të renditjes përfundimtare të tyre, me qëllim dërgimin e tij më pas te organi i emërtesës, Gjykata e Lartë.

gjykata e larte ked

Sondazh

Poll

MË SHUMË