Aktualitet

Vrasja në Shkodër, viktima ishte punonjës i IKMT-së dhe ish-anëtar i Këshillit Bashkiak

Nga breshëria e plumbave kanë mbetur të plagosur edhe tre persona të tjerë të cilët janë transportuar në spital për ndihmë mjekësore. 

8 Shtator 2025, 09:27 Nga r.ll
Vrasja në Shkodër, viktima ishte punonjës i IKMT-së dhe
armando pali

SHKODËR- Një person ka mbetur i vrarë paraditen e sotme teksa po pinte kafe në një lokal pranë bashkisë së Shkodrës.  Armando Pali, i cili dyshohet se nuk ishte shënjestra e atentatit të rëndë, mësohet se ishte punonjës i IKMT-së në Shkodër. Ndërkohë bëhet me dije se më parë ka qenë dhe anëtar i Këshillit Bashkiak. 

Nga breshëria e plumbave kanë mbetur të plagosur edhe tre persona të tjerë të cilët janë transportuar në spital për ndihmë mjekësore. 

Një nga të plagosurit është Erogen Vaso, vëllai i Denis Bajrit. Ky i fundit u ekstradua nga Dubai në korrik të këtij viti. 37-vjeçari ishte shpallur në kërkim ndërkombëtar, dhe rezulton si një person me rrezikshmëri shumë të lartë shoqërore. Bajri akuzohet për një sërë veprash penale në fushën e krimeve kundër personit, të kryera në formën e grupit të strukturuar kriminal dhe për armëmbajtje pa leje.

Denis Bajri (Brajoviç) dyshohet se është autor i vrasjes së Gjon Ndojt (Boriçi), ngjarje e cila ka ndodhur më 9 Gusht të viti 2020 në Shkodër. Dyshimet janë se ekzekutimin e Ndojit, Bajri e bëri me porosi të Ervis Martinajt.

armando pali

Sondazh

Poll

Aktualitet 8 Shtator 2025, 09:08

Vrasja në Shkodër, arrestohet autori

vendngjarja SHKODËR- Policia ka vënë në pranga autorin e vrasjes së ndodhur pak më herët në mes të qytetit t&e...