Bota

Sërish tërmet në Afganistan, lëkundje të forta me magnitudë 5.2 ballë të shkallës Rihter

Epiqendra e tërmetit të ri ndodhej 34 km në verilindje të qytetit të Jalalabadit (qyteti i pestë më i madh në Afganistan), në provincën Nangarhar në pjesën lindore të vendit.

2 Shtator 2025, 15:22 Nga E. D
Sërish tërmet në Afganistan, lëkundje të forta me
pamje nga vendngjarja

AFGANISTAN- Një tërmet i fuqishëm me magnitudë 5.2 ballë të shkallës Rihter goditi Afganistanin ditën e sotme. Epiqendra e tërmetit të ri ndodhej 34 km në verilindje të qytetit të Jalalabadit (qyteti i pestë më i madh në Afganistan), në provincën Nangarhar në pjesën lindore të vendit.

Ndërkohë ekipet e shpëtimit po vazhdojnë të gërmojnë në lindjen malore të Afganistanit për të gjetur të mbijetuar, të martën, teksa numri i të vdekurve nga një tërmet i fuqishëm ka kaluar 1.400, ka bërë të ditur qeveria e udhëhequr nga talibanët. Edhe më shumë se 3.000 persona janë lënduar si pasojë e tërmetit.

Tërmeti prej 6.0 ballësh goditi në natën e së dielës në disa provinca, duke rrafshuar fshatra dhe duke i lënë njerëzit të ngujuar nën rrënojat e shtëpive të ndërtuara kryesisht me tulla prej balte dhe me drurë, dhe të tronditur nga fatkeqësia.

Shumica e viktimave janë regjistruar në provincën Kunar, ku shumë njerëz jetojnë në lugina të pjerrëta lumenjsh, të ndara nga male të larta. Helikopterët po përdoren për evakuimin e të lënduarve drejt spitaleve, dhe agjencitë e ndihmave kanë thënë se ekipet e tyre po rrugëtojnë këmbas për të arritur zonat më të izoluara, për shkak të terrenit të ashpër dhe rrugëve të dëmtuara.

afganistan

Sondazh

Poll

MË SHUMË