Sport

US Open 2025/ Medvedev humbi durimin dhe i nervozuar shkatërroi raketën e tij… (Video)

Ndeshje surreale midis rusit dhe Bonzit, i cili në fund arrin të fitojë

25 Gusht 2025, 12:56 Nga DOSJA
US Open 2025/ Medvedev humbi durimin dhe i nervozuar shkatërroi

SHBA - Daniil Medvedev u eliminua në raundin e parë të US Open 2025  nga Benjamin Bonzi (i cili fitoi 6-3, 7-5, 6-7, 0-6, 6-4) në një ndeshje sureale, që përfundoi në setin e pestë.

Kur francezi ishte një hap larg fitores, në pikën e ndeshjes në 5-4 në setin e tretë, një fotograf vendosi në mënyrë të pashpjegueshme të lëvizte karrigen e tij pas gabimit të servirjes së parë të 29-vjeçarit, duke e detyruar gjyqtarin, sipas rregullave, të urdhëronte një ripërsëritje. Ky vendim shkaktoi zemërimin e Medvedevit, i cili iu drejtua gjyqtarit (Greg Allensworth) dhe nxiti turmën.

Rusi fillimisht kërkoi një shpjegim dhe më pas pretendoi se gjyqtari nuk donte të qëndronte më atje dhe se donte të shkonte në shtëpi. Duke iu drejtuar kamerës, rusi bërtiti: "Reilly Opelka ka të drejtë, ai - (gjyqtari në karrige) - fiton para nga ndeshja, jo nga orët që kalon në fushë. Gjyqtari thjesht do të shkojë në shtëpi."

Ndeshja nuk mundi të rifillonte për më shumë se pesë minuta. Në një moment, francezi madje kërcënoi me droje se do të largohej, duke pyetur pse Medvedev nuk ishte ndëshkuar për sjelljen e tij. Kur ndeshja rifilloi, Bonzi nuk arriti të shfrytëzonte pikën e ndeshjes, duke humbur setin e tretë dhe të katërt përpara se të fitonte më në fund të pestin.

Në fund të ndeshjes, Medvedev, pasi shtrëngoi duart me kundërshtarin e tij (i cili e kishte eliminuar tashmë në Wimbledon), theu edhe raketën, një tjetër shenjë e krizës së thellë që po kalon rusi.

B.T (Dosja.al)

Sondazh

Poll

MË SHUMË