Aktualitet

Ndezi zjarr në fshatin Poshnje e Vogël dhe flakët dogjën bimë dhe rrezikuan banesa, arrestohet 63-vjeçari në Dimal

Në pranga është vënë shtetasi, Kristaq Bizhoti, banues në Poshnjë. 

25 Gusht 2025, 10:04 Nga r.ll
Ndezi zjarr në fshatin Poshnje e Vogël dhe flakët dogjën
foto ilustruese

DIMAL- Një 63-vjeçar është arrestuar në Dimal për zjarrvënie në fshatin Poshnje e Vogël. Në pranga është vënë shtetasi, Kristaq Bizhoti, banues në Poshnjë. 

Ai dyshohet se ndezi zjarr, në tokën e tij, për të djegur mbeturinat, dhe nga përhapja e flakëve u dogjën disa bimë dhe u rrezikuan banesat përreth.

NJOFTIMI I POLICISË: 

Dimal/Ndezi zjarr në fshatin Poshnje e Vogël, arrestohet në flagrancë 63-vjeçari.

Si rezultat i veprimeve hetimore të kryera për zbardhjen e autorësisë së rasteve të zjarrvënieve dhe arrestimin e përgjegjësve, specialistët për Hetimin e Krimeve të Stacionit të Policisë Dimal vunë në pranga shtetasin K. B., 63 vjeç, banues në Poshnje, Dimal.

Ky shtetas dyshohet se ka ndezur zjarr, në tokën e tij, për të djegur mbeturinat, dhe nga përhapja e flakëve u dogjën disa bimë dhe u rrezikuan banesat përreth.

Drejtoria Vendore e Policisë Berat apelon për të gjithë qytetarët që në asnjë rast të mos ndezin zjarre, pasi do të përballen me ligjin. Gjithashtu, fton qytetarët që të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi, dhe iu garanton anonimat, reagim të shpejtë dhe të paanshëm.

zjarr ne dimal kristaq bizhoti

Sondazh

Poll

MË SHUMË