Sport

MotoGP, GP e Hungarisë/ Marquez siguron “pole” para Bezzecchi dhe Di Giannantonio

Marc Marquez mori pozicionin e tij të parë “pole position” në Balaton Park, një nënshkrim i njohur. Bagnaia pati vështirësi, i detyruar të niste nga rreshti i pestë.

23 Gusht 2025, 12:29 Nga DOSJA

MotoGP, GP e Hungarisë/ Marquez siguron “pole” para Bezzecchi

HUNGARI - Një Marc Marquez i shkëlqyer, mori “pole” e parë në historinë e MotoGP për Çmimin e Madh të Hungarisë në Balaton Park.

Piloti i Ducatit e bëri xhiron në 1:36.518, pothuajse tre të dhjeta më shpejt (+0.290) se Aprilia e Marco Bezzecchit dhe VR46 Ducati i Fabio Di Giannantonios (+0.354). Enea Bastianini në Tech3 KTM niset në rreshtin e dytë përpara Morbidellit dhe Quartararos. Francesco Bagnaia nuk pati rezultate të mira, pasi kishte kaluar Q1 dhe kishte vështirësi: italiani do të niset i 15-ti.

Një e shtunë e parë për t’u harruar në Balaton Park për Peccon, me shumë shqetësime dhe zhgënjime për një Desmosedici të vështirë për t’u ngarë. I detyruar të kalonte nëpër Q1, kampioni tre herë i botës luftoi për të gjetur zgjidhjet e duhura dhe, drejt fundit, Ducati i tij e la në baltë me një  ndalesë  frenimi, që shkatërroi çdo shans për të kaluar në Q2.

Marco Bezzecchi dhe Fabio Di Giannantonio, nga ana tjetër, ishin të lumtur, të dy duke u kualifikuar nëpër Q1 dhe duke përfunduar të dytët dhe të tretët në rrjetën e nisjes pas liderit të kampionatit Marquez.

Rreshti i tretë për Acostan, Aldeguerin dhe Marinin, të cilët do të nisin përpara Mirit, Alex Marquezit  dhe Pol Espargaros . Në krye të rreshtit të pestë është Bagnaia, Brad Binder, i ndjekur nga Jack  Miller. Raul Fernandez me Martin dhe Johann Zarco në rreshtin e gjashtë përpara Oliveiras, Rinsit  dhe Ogurës.

MotoGP, GP e Hungarisë/ Marquez siguron “pole” para Bezzecchi

MotoGP, GP e Hungarisë/ Marquez siguron “pole” para Bezzecchi

MotoGP, GP e Hungarisë/ Marquez siguron “pole” para Bezzecchi

.T (Dosja.al)

Sondazh

Poll

MË SHUMË