Bota

Tragjedi në Kinë/ Shembet ura në kantierin e ndërtimit, shtatë persona të vdekur dhe nëntë të zhdukur (FOTO)

Ura, e cila do të mbajë trena, kombinon metoda ndërtimi, është e harkuar dhe gjithashtu ka shtylla me rrjetë. Fotot e publikuara nga People dhe Daily Mail tregojnë urën e papërfunduar, të rrethuar nga dy skela dhe vinça gjigantë. Pas incidentit një operacion kërkim-shpëtimi është duke u zhvilluar.

22 Gusht 2025, 08:48 Nga E. D
Tragjedi në Kinë/ Shembet ura në kantierin e ndërtimit,
pamje nga vendngjarja

KINË- Shtatë punëtorë kanë vdekur dhe nëntë të tjerë rezultojnë të zhdukur pasi një kabllo u këput në një urë në ndërtim e sipër në Kinën veriperëndimore. Pesëmbëdhjetë punëtorë dhe një shef ishin në vendin e ndërtimit të urës, e cila lidh dy zona në brigjet e Lumit të Verdhë në provincën Qinghai, kur një kabllo u këput rreth orës 3 të mëngjesit. 

Ura, e cila do të mbajë trena, kombinon metoda ndërtimi, është e harkuar dhe gjithashtu ka shtylla me rrjetë. Fotot e publikuara nga People dhe Daily Mail tregojnë urën e papërfunduar, të rrethuar nga dy skela dhe vinça gjigantë. Pas incidentit një operacion kërkim-shpëtimi është duke u zhvilluar.

Aksidentet në kantieret e ndërtimit janë të zakonshme në Kinë, pasi projektet e ndërtimit janë të panumërta në vendin e gjerë, ndërsa pajtueshmëria me rregulloret e sigurisë në shumë raste është e pamjaftueshme. Në dhjetor, 13 persona u raportuan të zhdukur pas shembjes së një kantieri ndërtimi hekurudhor në Shenzhen, një metropol në pjesën jugore të gjigantit aziatik.

kine

Sondazh

Poll

MË SHUMË