Sport

“Dekani” i trajnerëve Luc Holtz, lë postin e tij në krye të Luksemburgut…

Federata e Futbollit e Luksemburgut njoftoi se Luc Holtz ka ndërprerë kontratën e tij si trajner i kombëtares pas 15 vitesh. Tani rolin e dekanit e merr Didier Deschamps, i cili bëhet kështu trajneri i dytë me më shumë kohë në detyrë.

13 Gusht 2025, 09:30 Nga DOSJA

“Dekani” i trajnerëve Luc Holtz, lë postin e tij në

LUKSEMBURG - "Luc Holtz i ka kërkuar presidentit të FLF-së që ta ndërpresë kontratën e tij të punës me efekt të menjëhershëm. Ai ka mundësinë të marrë përsipër një sfidë të re në karrierën e tij si trajner, duke u bashkuar me një klub jashtë vendit", tha të hënën Federata e Futbollit të Luksemburgut.

Ndërkohë, klubi i divizionit të tretë gjerman, Mannheim, njoftoi emërimin e 56-vjeçarit luksemburgas si trajnerin e saj të ri. Holtz, i cili mbërriti më 3 gusht 2010, e udhëhoqi ekipin kombëtar të Luksemburgut 144 herë, duke regjistruar 33 fitore, 29 barazime dhe 82 humbje.

Ndër trajnerët aktualë me qëndrimet më të gjata në detyrë, ai ishte i dyti vetëm pas Koldo Alvarez, i cili kishte qenë në krye të Andorrës që nga 2 shkurti 2010, gjashtë muaj më shumë se luksemburgezi. Largimi i tij i lejon Didier Deschamps, i cili ka qenë në krye të Bluve që nga korriku 2012, të bëhet trajneri i dytë me qëndrimin më të gjatë në detyrë.

B.T (Dosja.al)

Sondazh

Poll

MË SHUMË