Bota

Të shtëna me armë zjarri në një nga bazat më të mëdha ushtarake në SHBA, pesë ushtarë në Xhorxhia mbeten të plagosur, arrestohet autori

Fort Stewart është një nga bazat më të mëdha ushtarake në Shtetet e Bashkuara, ku ndodhet Divizioni i 3-të i Këmbësorisë së Mekanizuar dhe shërben si qendër trajnimi dhe zhvillimi si për trupat aktive ashtu edhe për ato rezervë.

6 Gusht 2025, 19:26 Nga r.ll
Të shtëna me armë zjarri në një nga bazat më
foto ilustruese

XHORXHIA- Baza ushtarake Fort Stewart në Xhorxhia të SHBA-së u vu në izolim për rreth dy orë ditën e sotme pas një incidenti me të shtënash me armë zjarri.

Zëdhënësi i departamentit të policisë së bazës, nënkoloneli Angel Tomko, njoftoi se autoritetet konfirmuan praninë e një personi të armatosur, i cili, pas një operacioni policor që zgjati rreth gjysmë ore, u arrestua. Sipas raportimeve pesë ushtarë të plagosur nga të shtënat janë dërguar në spital, ndërsa për situatën është njoftuar edhe presidenti Donald Trump. 

Fort Stewart është një nga bazat më të mëdha ushtarake në Shtetet e Bashkuara, ku ndodhet Divizioni i 3-të i Këmbësorisë së Mekanizuar dhe shërben si qendër trajnimi dhe zhvillimi si për trupat aktive ashtu edhe për ato rezervë.

Baza ndodhet rreth 64 kilometra në jugperëndim të Savannah dhe është shtëpia e më shumë se 10,000 njerëzve, përfshirë ushtarë, familjet e tyre dhe personelin civil.

Guvernatori i Xhorxhias, Brian Kemp, deklaroi nëpërmjet platformës X (më parë Twitter) se është në "komunikim të ngushtë" me forcat e sigurisë dhe shprehu trishtimin e tij për incidentin: "Mendimet dhe lutjet tona janë me të plagosurit, familjet e tyre dhe të gjithë ata që shërbejnë. U bëj thirrje të gjithë qytetarëve të Xhorxhias të bëjnë të njëjtën gjë."

baza fort stewart xhorxhia shba

Sondazh

Poll

MË SHUMË