Bota

Medvedev kërcënon presidentin amerikan/ Trump: Kujdes çfarë thua! Po hyn në një territor shumë të rrezikshëm

Trump më 29 korrik tha se Rusia kishte 10 ditë kohë për të rënë dakord për një armëpushim në Ukrainë ose të përballet me tarifa mbi naftën e saj.

31 Korrik 2025, 18:30 Nga E. D
Medvedev kërcënon presidentin amerikan/ Trump: Kujdes
Dmitry Medvedev dhe Donald Trump

SHBA- Presidenti amerikan Donald Trump dhe ish-presidentit rus Dmitry Medvedev duket se kanë niskur një 'konflikt' me njëri-tjetrin. Medvedev duke iu referuar deklaratave të ashpra të Trump paralajmëroi se Rusia ka armë bërthamore.

Trump më herët kritikoi ashpër Medvedevin, i cili është nënkryetar i Këshillit të Sigurisë së Rusisë, pasi ky i fundit tha se kërcënimi i Trump për të goditur Rusinë dhe ata që blejnë naftë prej saj me tarifa ndëshkuese ishte një lojë ultimatumesh.

“I thuaj Medvedevit, ish-presidentit të dështuar të Rusisë, i cili mendon se është ende President, të ketë kujdes me fjalët e tij. Ai po hyn në një territor shumë të rrezikshëm!”, shkroi Trump, në paralajmërimin e tij të dytë drejtuar aleatit të ngushtë të Presidentit Vladimir Putin në javët e fundit.

Trump më 29 korrik tha se Rusia kishte 10 ditë kohë për të rënë dakord për një armëpushim në Ukrainë ose të përballet me tarifa mbi naftën e saj. Moska, e cila ka vendosur kushtet e veta për paqe që Kievi thotë se përbëjnë një kërkesë për kapitullimin e saj, deri më tani nuk ka treguar shenja se do të përmbushë afatin e caktuar nga Trump.

Nga ana e tij, Medvedev tha se deklarata e Trump tregonte se Rusia duhet të vazhdojë kursin e saj aktual politik.

"Nëse disa fjalë të ish-presidentit të Rusisë shkaktojnë një reagim kaq nervoz nga presidenti i lartë dhe i fuqishëm i Shteteve të Bashkuara, atëherë Rusia po bën gjithçka siç duhet dhe do të vazhdojë të ecë përpara në rrugën e saj", tha Medvedev në një postim në Telegram.

 

dmitry medvedev

Sondazh

Poll

MË SHUMË