Sport

Salah: "Unë jam afrikani më i mirë në histori, por janë edhe Weah, Drogba dhe Eto'o"

Sulmuesi egjiptian tregon mjeshtëri edhe jashtë fushës, çka e dëshmoi edhe në një intervistë për “France Football”

21 Korrik 2025, 13:00 Nga DOSJA

Salah: "Unë jam afrikani më i mirë në histori, por

ANGLI - Kur jep një intervistë, ai lë gjurmën e tij, njësoj si në fushë. Personi në fjalë është Mohamed Salah, i intervistuar së fundmi nga France Football.

Sulmuesi egjiptian, një figurë kyçe në kampionatin e fundit anglez, të fituar nga Liverpooli me 29 gola dhe 18 asiste në 38 paraqitje, dha përgjigje që ndonjëherë ishin të habitshme dhe që nxirrnin besim absolut në aftësitë e tij…

"Kush është lojtari më i mirë afrikan në histori? Unë, por ka shumë. Mund të përmend edhe George Weah, Didier Drogba dhe Samuel Eto'o."

Lidhur me shokun më të mirë të skuadrës me të cilin ka luajtur, ai tha: "Nuk kam luajtur me të në momentin tim më të mirë, por do të thoja për Eden Hazard. Do të doja të luaja me Steven Gerrard dhe Thierry Henry.

Mbrojtësi më i mirë me të cilin jam përballur? Ka pasur shumë. Sergio Ramos është një lojtar i shkëlqyer, por nuk mund të përmend vetëm një."

Një pyetje në lidhje me trajnerin më të mirë të karrierës së tij deri më tani ishte gjithashtu e pashmangshme. Kishte kaq shumë emra të rëndësishëm, por Salah nuk zgjodhi pikërisht atë që mund të pritej: "Kush është trajneri më i mirë që keni pasur? Spalletti."

Më në fund, duke parë prapa në karrierën e tij të dekoruar, ai nuk kishte dyshime për dafinën që i dha kënaqësinë më të madhe: "Trofeu që pati ndikimin më të madh tek unë? Liga e Kampionëve."

B.T (Dosja.al)

Sondazh

Poll

MË SHUMË