Sport

Presidenti i Sportingut kërcënon me gjobë Gyökeres dhe paralajmëron Arsenalin...

Frederico Varandas ka marrë një qëndrim ndaj sulmuesit suedez pas vendimit të tij për të mos u paraqitur në stërvitje.

13 Korrik 2025, 12:00 Nga DOSJA

Presidenti i Sportingut kërcënon me gjobë Gyökeres dhe

PORTUGALI - 'Selena Gyökeres' është larg fundit. Këtë të shtunë, sulmuesi suedez e realizoi kërcënimin e tij për të mos marrë pjesë në stërvitjet parasezonale me Sporting, si një mënyrë për të ushtruar presion mbi largimin e tij nga klubi i Lisbonës.

Pavarësisht qëndrimit të skandinavit, Frederico Varandas, president i ‘luanëve’, mbetet i qetë dhe i bindur se e ardhmja e Gyökeres do të zgjidhet në mbyllje të tregut të transferimeve, por jo para se ta paralajmëronte sulmuesin se do të gjobitet.

"Jemi të qetë. Gjithçka do të zgjidhet në mbyllje të afatit kalimtar, një gjobë e madhe dhe një kërkim falje për grupin", tha presidenti i Sportingut në deklaratat për median portugeze LUSA.

Por Varandas nuk u ndal me kaq dhe e sulmoi Arsenalin, duke deklaruar se “Topçinjtë” duhet të jenë të gatshëm të paguajnë shumën që klubi kërkon për lojtarin, sepse përndryshe do të duhet të presin derisa kontrata e tij të përfundojë në vitin 2028.

"Nëse ata nuk duan të paguajnë vlerën e drejtë të tregut për Viktorin (Gyökeres), ne jemi shumë të kënaqur me të për tre vitet e ardhshme", tha ai.

Së fundmi, drejtuesi më i lartë i Sportingut vuri në pikëpyetje "strategjinë e daljes" së suedezit dhe paralajmëroi se "askush nuk është mbi klubin".

"Nëse gjenitë që po e sajojnë këtë strategji mendojnë se kjo po ushtron presion mbi mua për të lehtësuar largimin, ata jo vetëm që gabohen plotësisht, por po e bëjnë edhe më të komplikuar largimin e lojtarit. Askush nuk është mbi interesat e klubit, kushdo që të jetë ai", përfundoi

B.T (Dosja.al)

Sondazh

Poll

MË SHUMË