Bota

Moti i keq përfshin edhe Kinën/ Evakuohen mbi 10 mijë qytetarë nga reshjet masive, raportohet për dy viktima (PAMJE)

Shirat ekstreme dhe përmbytjet e rënda që janë lidhur me ndryshimet klimatike, kanë sjellë sfida të mëdha për sistemet e vjetëruara të kontrollit të përmbytjeve në Kinë, të cilat tani rrezikojnë të mbingarkohen.

10 Korrik 2025, 20:35 Nga E. D
Moti i keq përfshin edhe Kinën/ Evakuohen mbi 10 mijë
pamje nga vendngjarja

KINË- Mbi 10,000 njerëz u evakuuan nga shtëpitë e tyre në Kinën jugperëndimore, ndërsa nivelet e ujit në 25 lumenj tejkaluan kufijtë e sigurisë. Situata ka përkeqësuar ndjeshëm kushtet e jetesës, duke krijuar krizë për qindra mijëra qytetarë. Shirat ekstreme dhe përmbytjet e rënda që janë lidhur me ndryshimet klimatike, kanë sjellë sfida të mëdha për sistemet e vjetëruara të kontrollit të përmbytjeve në Kinë, të cilat tani rrezikojnë të mbingarkohen.

Ky fenomen ka shkaktuar një zhvendosje masive të popullsisë dhe ka dëmtuar rëndë sektorin bujqësor, i cili vlerësohet të ketë një ndikim ekonomik prej 2.8 trilionë dollarësh. Në Pekin, reshjet e dendura të shiut kanë goditur disa pjesë të qytetit, me distriktin Chaoyang që regjistroi 68.2 milimetra shi brenda vetëm një ore në mëngjes, sipas raportimeve të gazetës shtetërore Beijing Daily.

Ky fenomen ka shtuar shqetësimet për mundësinë e përmbytjeve të mëtejshme. Në jugperëndim të Kinës, dhjetë lumenj, përfshirë lumin Longyan që kalon përmes zonave të populluara të Chongqing, mund të dalin nga shtrati në çdo moment. Në provincën Guizhou, niveli i ujit të lumit Qishui është rritur në nivelin më të lartë që nga fillimi i regjistrimeve në vitin 1953, pas 24 orëve me reshje të pandërprera. Po ashtu, lumi Xiaocao në Sichuan është regjistruar në nivelin më të lartë në 29 vjet.

Mediet shtetërore raportuan se mbi 10,000 njerëz u evakuuan nga qytetet e provincave Sichuan dhe Yunnan, ndërkohë që një qark në Yunnan ka regjistruar 227.8 milimetra shi në 24 orë, duke thyer rekordin ditor që mbahej që nga viti 1958. Gjithashtu dy persona kanë humbur jetën në qytetin Zhaotong në provincën Yunnan, si pasojë e kushteve ekstreme të motit.

moti keq ne kine

Sondazh

Poll

MË SHUMË