Bota

VIDEO/ Shembet tuneli në Los Angeles, shpëtojnë 31 punëtorët që po punonin brenda strukturës

Tuneli që po ndërtohet është 18 metra i gjerë dhe do të jetë 7 milje i gjatë për të transportuar ujërat e zeza të trajtuara nga e gjithë Qarku i Los Anxhelosit në Oqeanin Paqësor.

10 Korrik 2025, 19:30 Nga r.ll
VIDEO/ Shembet tuneli në Los Angeles, shpëtojnë 31
pamje nga vendngjarja

SHBA- Tridhjetë e një punëtorë ndërtimi brenda një tuneli të madh industrial në Los Angeles ia dolën të shpëtonin pasi një pjesë e tij u shemb. 

Punëtorët e ndërtimit ishin brenda tunelit në North Figueroa Street në Wilmington kur struktura u shemb rreth gjashtë milje nga hyrja, tha Shefi i Përkohshëm i Zjarrfikësve të Departamentit të Zjarrfikësve të Los Anxhelosit, Ronnie Villanueva, në një konferencë për shtyp.

Punëtorët, sipas mediave të huaja ishin rreth 120 metra nën tokë. Më shumë se 100 punonjës të Departamentit Zjarrfikës të Los Angeles, mbërritën në vendngjarje, përfshirë anëtarë të ekipit të Kërkimit dhe Shpëtimit Urban, të cilët ishin trajnuar dhe pajisur posaçërisht për të përballuar shpëtimet në tunele në hapësira të mbyllura.

Autoritetet thanë se asnjë nga të shpëtuarit nuk kishte pësuar lëndime të rënda. Anëtari i Këshillit të Qytetit të Los Anxhelosit, Tim McOsker, i lavdëroi punëtorët për ruajtjen e gjakftohtësisë.

Tuneli që po ndërtohet është 18 metra i gjerë dhe do të jetë 7 milje i gjatë për të transportuar ujërat e zeza të trajtuara nga e gjithë Qarku i Los Anxhelosit në Oqeanin Paqësor. Autoritetet thanë se puna nuk do të rifillojë derisa kontraktori i projektit të vlerësojë se çfarë ka ndodhur dhe ta konsiderojë vendin të sigurt.

los angeles

Sondazh

Poll

MË SHUMË