Bota

"Bëra një lutje!" Të mbijetuarit e tragjedisë së përmbytjeve në Teksas rrefejnë çastet kritike: Goditëm dyert, duke u përpjekur të njoftonim sa më shumë njerëz

Numri i të vdekurve është rritur vazhdimisht që nga e premtja.

8 Korrik 2025, 09:14 Nga M.B
"Bëra një lutje!" Të mbijetuarit e tragjedisë
Të mbijetuarit e përmbytjeve në Teksas.

SHBA- Një familje dhe një grua me dy qentë e saj janë ndër të mbijetuarit mes përmbytjeve shkatërruese në Teksasin Qendror. Ujërat përmbytën pjesë të shtetit më 4 korrik, të nxitura nga reshje që nritën nivelin në lumin Guadalupe.  Numri i të vdekurve është rritur vazhdimisht që nga e premtja.

Mes raportimeve zemërthyesëse, kanë dalë edhe histori mbijetese, me David Fry i cili ishte me pushime me anëtarë të familjes së tij në River Inn Resort në Hunt kur ndodhën përmbytjet. Ai tregoi se së bashku me familjen e tij ndihmuan njëri-tjetrin të hipnin në çatinë e hotelit.

“Kjo zonë ka qenë shumë e afërt dhe e dashur për familjet tona për një kohë të gjatë”, i tha ai stacionit KPRC 2 të lidhur me NBC-në.

Ndërsa ujërat në zonë u rritën më shumë se 7.5 metra në afërsisht 45 minuta të premten në mëngjes, Fry tregoi se si ia dolën të shpëtonin.

“Atëherë ne goditëm dyert, duke u përpjekur të njoftonim sa më shumë njerëz të ishte e mundur dhe t’i nxirrnim jashtë e t’i shtynim deri në rrugë. Disa automjete kishin dalë nga rruga për shkak të ujërave të rrëmbyeshme", shtoi ai.

Fry ndihmoi në shpëtimin e familjes së tij, të cilët mbijetuan të gjithë, si dhe të tjerëve në hotel dhe njerëzve që kishin mbetur të bllokuar në shtëpitë matanë rrugës. 

E mbijetuara tjetër Diana Smith foli gjithashtu me KPRC 2 për momentin kur ajo dhe dy qentë e saj hipën në një kajak për t'i shpëtuar ujërave të përmbytjes që kishin rrethuar shtëpinë e saj.

“Thjesht bërtita. Telefonova 9-1-1. Asgjë nuk ndodhi. Dhe bërtita ‘Zot, nuk di çfarë të bëj’. Hap derën e përparme dhe ajo i dërgoi të dy qentë e mi në drejtime të ndryshme dhe po më zinte paniku duke menduar, ‘Tani çfarë dreqin do të bëj?’ Bëra një lutje kur isha në verandën time. Të dy prindërit e mi kanë vdekur. Dhe thashë, ‘Mami, Babi, Zot, ndihmë’”, tha ajo.

teksas

Sondazh

Poll

MË SHUMË