Bota

Takimi Trump-Netanyahu në Shtëpinë e Bardhë do të zhvillohet me dyer të mbyllura, nuk do të ketë pamje dhe as deklaratë për mediat

Para darkës me Trumpin, Netanyahu do të takohet me Sekretarin e Shtetit të SHBA-së, Marco Rubio, dhe të dërguarin special të SHBA-së për Lindjen e Mesme, Steve Witkoff.

7 Korrik 2025, 16:03 Nga r.ll
Takimi Trump-Netanyahu në Shtëpinë e Bardhë do të
trump, netanyahu

SHBA- Takimi i kryeministrit izraelit Benjamin Netanyahut me presidentin amerikan Donald Trumpin më vonë sot në Shtëpinë e Bardhë do të zhvillohet pa asnjë deklaratë për shtypin.

Sipas planit, edhe mbërritja e Netanyahut në Shtëpinë e Bardhë në orën 18:30 të mbrëmjes sipas orës lokale do të jetë e mbyllur për shtypin. Më pas, të dy udhëheqësit do të kenë një darkë private me gratë e tyre. Ndryshe nga dy vizitat e mëparshme të Netanyahut këtë vit, nuk është planifikuar asnjë konferencë për shtyp apo foto në Zyrën Ovale.

Para darkës me Trumpin, Netanyahu do të takohet me Sekretarin e Shtetit të SHBA-së, Marco Rubio, dhe të dërguarin special të SHBA-së për Lindjen e Mesme, Steve Witkoff.

Të martën, Netanyahu është planifikuar të takohet me Zëvendëspresidentin e SHBA-së, J.D. Vance, dhe anëtarë të Kongresit në Capitol Hill. Të mërkurën, ai planifikon të takohet me Sekretarin e Mbrojtjes, Pete Hegseth, në Pentagon, përpara se të organizojë një darkë gala për udhëheqësit hebrenj dhe ungjillorë. Netanyahu është planifikuar të kthehet në Izrael të enjten.

donald trump benjamin netanyahu

Sondazh

Poll

MË SHUMË