Aktualitet

I dënuar në Itali me mbi 12 vite burg, vihet në pranga në Vlorë 45-vjeçari i shpallur në kërkim ndërkombëtar (EMRI)

Policia bën me dije se i arrestuari është i dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve".

2 Korrik 2025, 11:00 Nga N.F
I dënuar në Itali me mbi 12 vite burg, vihet në pranga në
Arrestimi

VLORË- Një 45-vjeçar i shpallur në kërkim ndërkombëtar është vënë në pranga nga policia në Vlorë. Policia bën me dije se i arrestuari është i dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve".

Mësohet se 45-vjeçari u kap ditën e djeshme në lagjen “Rilindja”. I arrestuari është identifikuar si Renald Gjini. Autoritetet po punojnë për ekstradimin e tij drejt Italisë.

Njoftimi:

DVP Vlorë/Finalizohet operacioni policor i koduar “Il Obiettivo”, për kapjen e një shtetasi të shpallur në kërkim ndërkombëtar, për llogari të Italisë. I dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve”, lokalizohet dhe vihet ne pranga 45-vjeçari, i shpallur në kërkim ndërkombëtar, me qëllim ekstradimi drejt Italisë.

Strukturat e Sektorit për Hetimin e Krimeve të Rënda, në bashkëpunim me Seksionin Operacional në DVP Vlorë, në vijim të punës për lokalizimin dhe kapjen e shtetasve të shpallur në kërkim ndërkombëtar, bazuar në informacionet e siguruara si dhe në bashkëpunim me zyrat homologe të Interpolit, organizuan dhe finalizuan operacionin policor të koduar “Il Obiettivo”.

Si rezultat, ditën e djeshme, në lagjen “Rilindja”, u bë kapja dhe arrestimi provizor, me qëllim ekstradimi drejt Italisë, i shtetasit:

Renald Gjini, 45 vjeç, banues në Vlorë. Ky shtetas ishte i shpallur në kërkim ndërkombëtar, pasi Gjykata e Apelit Bolonja, Itali, e ka dënuar këtë shtetas me 12 vjet e 10 muaj burg, për veprat penale “Vrasje” dhe “Mbajtja pa leje e armëve”, sipas legjislacionit penal italian. Interpol Tirana dhe Interpol Roma janë në bashkëpunim të ngushtë për procedurat e mëtejshme të ekstradimit.

arrestohet renald gjini

Sondazh

Poll