Sport

E marta është dita e Bonnyt: vizita mjekësore dhe nënshkrimi me Interin deri në 2029

Parma 23 milionë euro plus bonuse, sulmuesi do të fitojë dy milionë në sezon

30 Qershor 2025, 16:32 Nga DOSJA
E marta është dita e Bonnyt: vizita mjekësore dhe nënshkrimi

ITALI - Numërimi mbrapsht për Ange-Yoan Bonny ka filluar te Interi. Marrëveshja me Parmën është finalizuar me shumë detaje (23 milionë euro plus bonuse, pa kompensim) dhe konkurrenca nga ekipet e tjera është mposhtur (së fundmi Stuttgart, i cili po shet sulmuesin e tij Woltemade).

Sulmuesi francez do të jetë në Milano të martën për t'iu nënshtruar vizitave të zakonshme mjekësore dhe për të nënshkruar një kontratë katërvjeçare me vlerë 2 milionë euro në sezon.

Ish-lojtari i Châteauroux, i cili e mbylli sezonin e tij të parë në Serie A me 6 gola dhe 4 asiste në 37 ndeshje, do të kompletojë sulmin ziklatër të përbërë nga Lautaro Martinez, Thuram, Pio Esposito dhe Taremi, megjithëse iraniani nuk është i sigurt nëse do të qëndrojë dhe mund të mbledhë valixhet pas vetëm një viti vërtet zhgënjyes nëse merr një ofertë të mirë. 

Nëse Interi kalon në raundin tjetër kundër Fluminense të hënën në mbrëmje, Chivu mund ta thërrasë Bonnyn për vazhdimin e Kupës së Botës për Klube në SHBA, e cila do të ndalet në Orlando, ku do të luhen çerekfinalet e mundshme. Përndryshe, ai do të bashkohet për fillimin e grumbullimit: data nuk është caktuar ende për shkak të angazhimeve jashtë vendit të zikaltërve.

B.T (Dosja.al)

Sondazh

Poll

MË SHUMË