Bota

Hegseth njofton riemërimin e anijes së marinës amerikane, hiqet emri i ikonës së të drejtave të homoseksualëve Harvey Milk

Hegseth tha se po e riemërtojmë anijen sipas një fituesi të Medaljes së Nderit të Kongresit dhe se njerëzit duan të jenë krenarë për anijen me të cilën po lundrojnë.

27 Qershor 2025, 21:01 Nga N.F
Hegseth njofton riemërimin e anijes së marinës amerikane, hiqet
Foto

SHBA- Sekretari i mbrojtjes i SHBA-së, Pete Hegseth ka njoftuar zyrtarisht se anija furnizuese e marinës amerikane, e emëruar në nder të aktivistit për të drejtat e homoseksualëve, Harvey Milk, do të riemërohet sipas Oscar V Peterson. Peterson ishte një oficer i lartë i cili mori Medaljen e Nderit të Kongresit për veprimet e tij në Betejën e Detit të Koraleve në Luftën e Dytë Botërore.

Hegseth tha se po e riemërtojmë anijen sipas një fituesi të Medaljes së Nderit të Kongresit dhe se njerëzit duan të jenë krenarë për anijen me të cilën po lundrojnë. Ky veprim vjen në mes të një reagimi të përhapur kundër të drejtave dhe çështjeve LGBTQ+ në SHBA nën administratën Trump, duke filluar nga ndalimi i librave që lidhen me kauzat LGBTQ+ deri te zvogëlimi i të drejtave të personave transgjinorë.

Anija e furnizimit me naftë ishte emëruar sipas aktivistit të të drejtave të homoseksualëve në San Francisko, i cili u vra në vitin 1978 pasi shërbente si mbikëqyrës i qytetit, duke e quajtur veten "Kryebashkiaku i Rrugës Castro". Ai kishte shërbyer në marinë si oficer zhytës në një anije shpëtimi nëndetësesh, por dha dorëheqjen me një shkarkim "jo të ndershëm" në vend që të dilte nga gjykata ushtarake për homoseksualitet.

Peterson shërbeu në anijen USS Neosho, një anije që u dëmtua rëndë nga bombarduesit japonezë me zhytje më 7 maj 1942, gjatë Betejës së Detit të Koraleve. Në një sulm bombardimi, Peterson dhe anëtarët e grupit të riparimit që ai drejtoi u plagosën rëndë. Por, pavarësisht lëndimeve të tij, ai arriti të mbyllte katër valvola të tubave të avullit, duke pësuar djegie të shkallës së tretë në fytyrë, shpatulla, krahë dhe duar gjatë këtij procesi.

Por, duke mbyllur valvulat ndarëse, Peterson izoloi avullin nga dhoma e motorëve dhe ndihmoi në mbajtjen e anijes në funksionim. Në një njoftim që dukej se ishte në kohën e duhur për fillimin e muajit të Krenarisë , Hegseth njoftoi se emri i Milk do të hiqej nga anija në fillim të qershorit. Ajo ishte emëruar sipas ikonës gej në vitin 2016 nga sekretari i atëhershëm i marinës Ray Mabus, i cili tha në atë kohë se anija e klasës John Lewis e naftës do të emërohej sipas udhëheqësve që luftuan për të drejtat civile dhe të njeriut.

Masa për të hequr emrin e Milk nga anija shkaktoi reagime të ashpra nga miqtë e aktivistit kur u raportua për herë të parë.  Zyrtarët e zgjedhur, përfshirë ish-kryetaren e Dhomës së Përfaqësuesve Nancy Pelosi dhe guvernatorin e Kalifornisë, Gavin Newsom, e përshkruan ndryshimin si një përpjekje për të fshirë kontributet e personave LGBTQ+ dhe një fyerje ndaj vlerave themelore amerikane të nderimit të veteranëve.

hegseth

Sondazh

Poll

MË SHUMË