Bota

"E pranoj që nuk mund të jem kandidate"/ Le Pen përgatit Bardellën për zgjedhjet franceze të vitit 2027: Ai duhet të ndërhyjë dhe të përgatitet

Autoritetet gjyqësore e shpallën Le Pen fajtore në fillim të prillit për përvetësim të fondeve të BE-së dhe e privuan atë nga e drejta për tu zgjedhur për pesë vjet.

26 Qershor 2025, 07:34 Nga E. D
"E pranoj që nuk mund të jem kandidate"/ Le Pen
Jordan Bardella dhe Marine Le Pen

FRANCË- Udhëheqësja e ekstremit të djathtë të Tubimit Kombëtar, Marine Le Pen, tani po përgatit krahun e saj të djathtë për zgjedhjet presidenciale të vitit 2027, Jordan Bardella, pasi ajo u skualifikua nga kandidimi për presidente pas një dënimi.

"E pranoj që nuk mund të jem kandidate. Jordan pranon që ai duhet të ndërhyjë. Unë personalisht i kërkova që ta mendonte dhe të përgatitej për këtë mundësi", tha Marine Le Pen për gazetën Valeurs Actuelles në një intervistë që dha dhe botoi dje, të mërkurën.

Më tej Le Pen tha: "Unë dhe Jordani do të marrim pjesë në procesin e brendshëm të partisë derisa gjykata e apelit të vendosë".

Ndërkohë autoritetet gjyqësore e shpallën Le Pen fajtore në fillim të prillit për përvetësim të fondeve të BE-së dhe e privuan atë nga e drejta për tu zgjedhur për pesë vjet. Le Pen shpresonte që gjykata e apelit do ta rrëzonte vendimin, i cili pritet në mesin e vitit 2026. Megjithatë, ajo siguroi se mbetet e vendosur të kandidojë për postin më të lartë të shtetit francez në vitin 2027, për herë të 4-t.

jordan bardella marine le pen

Sondazh

Poll

MË SHUMË