Bota

Ushtarët izraelitë qëllojnë për vdekje një 15-vjeçar në Bregun Perëndimor

Gjysmëhëna e Kuqe Palestineze tha se ekipet e saj trajtuan një adoleshent i cili ishte plagosur rëndë në Al Yamoun, por nuk ishin në gjendje ta shpëtonin atë. Ushtria tha se po hetonte incidentin në Al Yamoun. 

25 Qershor 2025, 22:30 Nga N.F
Ushtarët izraelitë qëllojnë për vdekje një
Viktima

IZRAEL- Autoriteti Palestinez njoftoi sonte se një djalë 15-vjeçar u vra nga ushtarët izraelitë në Bregun Perëndimor të pushtuar. Rayan Tamer Husiya, u qëllua në qafë nga ushtarët izraelitë në qytetin Al Yamoun, në veriperëndim të Jeninit.

Lajmin e konfirmoi Ministria e Shëndetësisë me seli në Ramallah. Më parë, Gjysmëhëna e Kuqe Palestineze tha se ekipet e saj trajtuan një adoleshent i cili ishte plagosur rëndë në Al Yamoun, por nuk ishin në gjendje ta shpëtonin atë. Ushtria tha se po hetonte incidentin në Al Yamoun. 

Të hënën, një palestinez 13-vjeçar u vra nga zjarri izraelit në Kafr Malek, pranë Ramallahut. Më 3 qershor, ushtria izraelite konfirmoi se kishte vrarë një djalë 14-vjeçar i cili po hidhte gurë në Sinjil. Dhuna është përshkallëzuar në Bregun Perëndimor që kur lufta në Rripin e Gazës shpërtheu pas një sulmi të Hamasit ndaj Izraelit më 7 tetor 2023.

Të paktën 941 palestinezë, përfshirë militantë, janë vrarë nga ushtria ose nga kolonët izraelitë, sipas Ministrisë së Shëndetësisë. Gjatë së njëjtës periudhë, të paktën 35 izraelitë, civilë dhe ushtarë, janë vrarë nga sulmet palestineze ose gjatë operacioneve ushtarake izraelite.

lufta izrael-hamas

Sondazh

Poll

MË SHUMË