Bota

Trump do të pritet në rezidencën mbretërore gjatë qëndrimit të tij në Hagë për samitin e NATO-s

Është zakon që krerëve të shteteve që vizitojnë vendin t’u ofrohet akomodim në një nga tre pallatet nga mbreti.

24 Qershor 2025, 19:42 Nga N.F
Trump do të pritet në rezidencën mbretërore gjatë
Foto

HOLANDË- Pallati ku banojnë Mbreti dhe Mbretëresha e Holandës do të presë presidentin e SHBA-së Donald Trump gjatë qëndrimit të tij në Hagë për samitin e NATO-s. Trump do të qëndrojë në Pallatin Huis ten Bosch pas darkës zyrtare që do të mbahet për nder të krerëve të shteteve dhe qeverive.

“Mbreti i ofroi akomodim presidentit të SHBA-së dhe ai e pranoi ofertën," njoftoi shërbimi mbretëror për shtyp.

Është zakon që krerëve të shteteve që vizitojnë vendin t’u ofrohet akomodim në një nga tre pallatet nga mbreti. Donald Trump njihet për preferencën e tij për gjithçka zyrtare dhe madhështore, si dhe për familjet mbretërore.

I fshehur mes pemëve, Pallati Huis ten Bosch është rezidenca kryesore e familjes mbretërore. Pallati i shekullit të 17-të përfshin, ndër të tjera, një sallë banketesh, disa sallone dhe një fushë tenisi. Darka zyrtare do të zhvillohet në Dhomën madhështore Portokalli, "xhevahirin" e pallatit. Të ftuarit e shquar qëndrojnë në "Krahun e Hagës".

trump samiti i natos

Sondazh

Poll

MË SHUMË