Sport

Bayerni dhe Benfica ndajnë në ndeshjen e fundit ndajnë fatin e grupit!

Bayerni e ka siguruar tashmë kualifikimin në fazën e 1/8-ave, por një barazim do t’i mjaftonte për të ruajtur vendin e parë dhe për të shmangur një udhëtim të ri, duke qëndruar në Charlotte edhe për sfidën e radhës.

24 Qershor 2025, 00:10 Nga DOSJA
Bayerni dhe Benfica ndajnë në ndeshjen e fundit ndajnë fatin e

SHBA - Sfida mes Benfikës dhe Bayernit të Mynihut në ndeshjen e tretë dhe të fundit të Grupit C të Botërorit për Klube pritet të jetë vendimtare për fatin e grupit ku bëjnë pjesë edhe Boca Juniors dhe Auckland City. Favoritët? Natyrisht, bavarezët.

Bayerni e ka siguruar tashmë kualifikimin në fazën e 1/8-ave, por një barazim do t’i mjaftonte për të ruajtur vendin e parë dhe për të shmangur një udhëtim të ri, duke qëndruar në Charlotte edhe për sfidën e radhës. Megjithatë, skuadra e Vincent Kompany vjen me mungesa të rëndësishme në mbrojtje, me Davies, Kim dhe Dier të dëmtuar. Gjendja e Musialës mbetet për t’u vlerësuar.

Që nga humbja ndaj Interit më 8 prill, në ‘Allianz Arena’, Bayerni është i pamposhtur: 6 fitore dhe 3 barazime, me pesë ndeshje pa pësuar gol. Nga ana tjetër, Benfica kërkon të sigurojë kalimin në fazën tjetër. Edhe një barazim do t’i mjaftonte për t’u kualifikuar, çka do ta çonte në një duel me Flamengon në Miami Gardens. Fitorja ndaj Bayernit do ta rriste ndjeshëm prestigjin dhe do t’i siguronte vendin e parë në grup, duke e mbajtur në Charlotte.

Skuadra portugeze vjen pa Andrea Belottin, që është ende i pezulluar, dhe me një formë të vakët, vetëm një fitore në pesë ndeshjet e fundit. Por ka një avantazh të madh: Benfika ka shënuar në 17 ndeshje radhazi, një statistikë që tregon se sulmi i “shqiponjave” është gjithmonë i rrezikshëm. Një përballje ku Bayern është favorit, por Benfika dëshiron me çdo kusht të kalojë në fazën tjetër, ndaj  do të luftojë fort për të mos u mposhtur.

B.T (Dosja.al)

Sondazh

Poll

MË SHUMË