Sport

Messi habit trajnerin e Bayernit: “Eshtë moshatar me mua, si ka mundësi…!”

Edhe trajneri i Bayern Munich, Vincent Kompany, e ka lavdëruar në një mënyrë të veçantë, duke theksuar se mosha e tij nuk është shumë larg nga ajo e sulmuesit të Inter Miami (Kompany mbushi 39 vjeç në prill).

23 Qershor 2025, 11:59 Nga DOSJA
Messi habit trajnerin e Bayernit: “Eshtë moshatar me mua, si ka

SHBA - Ja ku jemi përsëri, duke folur për Leo Messin dhe mrekullitë e tij në fushë. Mbas një dite, kampioni argjentinas do të mbushë 38 vjeç dhe, pas golit të jashtëzakonshëm me goditje dënimi kundër Portos për të përmbysur ndeshjen, është kthyer në qendër të vëmendjes, duke trembur edhe rivalët e ardhshëm në Botërorin për Klube.

Edhe trajneri i Bayern Munich, Vincent Kompany, e ka lavdëruar në një mënyrë të veçantë, duke theksuar se mosha e tij nuk është shumë larg nga ajo e sulmuesit të Inter Miami (Kompany mbushi 39 vjeç në prill). Këto ishin fjalët e tij për ESPN: “Besoj se kemi të njëjtën moshë. Nuk e di si ia del akoma të bëjë gjëra të tilla. Duhet të shijojmë çdo moment që Messi është në fushë”. Ndërkohë, Leo është në kërkim të rekordeve të reja. Kundër Portos, argjentinasi shënoi golin e tij të 68-të nga goditjet e dënimit.

Në historinë e futbollit, vetëm dy lojtarë kanë bërë më mirë se ai në këtë specialitet: Juninho Pernambucano dhe Pelé, siç tregohet më poshtë. Klasifikimi i lojtarëve me më shumë gola nga goditjet e dënimit në karrierë:

Juninho Pernambucano: 77 gola

Pelé: 70 gola

Messi: 68 gola

Ronaldinho: 66 gola, Victor Legrotaglie: 66 gola

Beckham: 65 gola

Legjenda të tjera në këtë klasifikim: Maradona dhe Zico (62 gola), Cristiano Ronaldo dhe Koeman (60 gola).

B.T (Dosja.al)

Sondazh

Poll

MË SHUMË