Bota

Lideri Suprem i Iranit mesazh nga "arratia" për Palestinën: Fitorja e palestinezëve është diçka e sigurtë

Më herët gjatë ditës së sotme The News York Times raportoi se udhëheqësi Suprem i Iranit, Ayatollah Ali Khamenei, i cili strehohet në një bunker, ka emëruar tre klerikë të lartë si kandidatë për ta pasuar atë në rast se ai vritet.

21 Qershor 2025, 22:16 Nga r.ll
Lideri Suprem i Iranit mesazh nga "arratia" për Palestinën:
ali khamenei

IRAN- Udhëheqësi suprem i Iranit, Ajatollah Ali Khamenei, ka ndarë sonte një mesazh në mbështetje të popullit palestinez, ndërsa vetë Irani është i përfshirë në një konflikti me Izraelin. Në një postim në platformën "X", Khameni shkruan se fitorja e palestinezëve është diçka e përcaktuar, ndërsa shprehet se Palestina është çështje qendrore për Iranin.

"Palestina është një çështje qendrore për ne dhe fitorja e palestinezëve është diçka e sigurtë.", thuhet në postim. 

Më herët gjatë ditës së sotme The News York Times raportoi se udhëheqësi Suprem i Iranit, Ayatollah Ali Khamenei, i cili strehohet në një bunker, ka emëruar tre klerikë të lartë si kandidatë për ta pasuar atë në rast se ai vritet. Khamenei, 86 vjeç, ka emëruar gjithashtu zëvendësues për zinxhirin e lartë të komandës ushtarake, nga frika se më shumë udhëheqës të lartë mund të jenë në shënjestër të Izraelit pas vdekjes së disa zyrtarëve të lartë më herët në goditjet hapëse të fushatës së Izraelit. Tre burimet iraniane, të cilat kërkuan anonimitet, thanë se Khamenei tani komunikon me komandantët ekskluzivisht përmes një ndihmësi dhe ka pushuar së përdoruri të gjitha komunikimet dixhitale për të shmangur zbulimin.

Khamenei thuhet se pranon mundësinë e vrasjes nga Izraeli ose Shtetet e Bashkuara dhe beson se nëse vritet, ai do të vdesë si martir. Në një veprim të rrallë, ai i ka udhëzuar Asamblesë së Ekspertëve - organi i ngarkuar me zgjedhjen e udhëheqësit të ardhshëm suprem - që të zgjedhë shpejt pasardhësin e tij nga tre emrat që ai ka ofruar, duke synuar të sigurojë një tranzicion të qetë dhe të shpejtë të pushtetit.

Që nga fillimi i luftës, Khamenei ka lëshuar dy mesazhe të regjistruara për publikun iranian, duke u zotuar se regjimi nuk do të dorëzohej. Normalisht duke vepruar nga një kompleks i sigurt në Teheran, vendimi i Khameneit për t'u strehuar në një bunker nxjerr në pah intensitetin e sulmeve ajrore izraelite dhe frikën brenda udhëheqjes së Iranit. NYT thotë gjithashtu se ministria e inteligjencës e Iranit u ka urdhëruar zyrtarëve të lartë qeveritarë dhe komandantëve ushtarakë të qëndrojnë në fshehtësi dhe të ndalojnë përdorimin e telefonave celularë ose çdo pajisjeje komunikimi elektronik, për shkak të frikës nga infiltrimi izraelit ose vrasjeve të synuara. Dy burime iraniane thanë se direktiva e sigurisë pasqyron shqetësime të thella mbi mundësinë e sulmeve të mëtejshme ndaj udhëheqjes së Iranit.

ali khamenei

Sondazh

Poll

MË SHUMË